Aprobado pola Comisión de Goberno, en sesión do 15 de xullo de 1999, o prego de cláusulas administrativas que rexerá o concurso polo procedemento aberto da obra de pavimentación de vías e accesos a núcleos de poboación en Vila de Cruces, exponse ó público por un prazo de oito días hábiles, para que poidan presentarse reclamacions, contados desde o día seguinte ó da inserción do derradeiro anunico no BOP ou DOG.
Simultaneamente, anúnciase licitación pública para a adxudicación da dita obra, que quedaría aprazada no suposto de se presentaren reclamacións ó prego, continuando o que falte a partir do día seguinte ó da súa resolución.
Obxecto do contrato: é a adxudicación, mediante concurso polo procedemento aberto, da obra de pavimentación de vías e accesos a núcleos de poboación en Vila de Cruces.
Tipo de licitación: 14.375.030 ptas. (IVE incluído).
Prazo de execución: tres meses.
Garantías: a provisional establécese en 287.501 pesetas, e a definitiva igual ó 4% do importe de adxudicación.
Prazo de presentación de proposicións: presentaranse na secretaría do concello, das 9 ás 13 horas, durante o prazo de 26 días naturais, contados desde o día segunte ó da derradeira publicación deste anuncio no BOP ou DOG.
Apertura de plicas: terá lugar ás dez horas do primeiro día hábil seguinte a aquel no que remate o prazo de presentación de proposicións. Se este coincide en sábado, terá lugar o primeiro día hábil seguinte.
Criterios de adxudicación: serán os fixados na cláusula 2ª do prego de condicións.
Modelo de proposicións: o recollido na correspondente cláusula do prego. Os licitadores presentarán, simultaneamente coa proposición e en sobre á parte, os documentos que se indican na referida cláusula.
Gastos: serán por conta do adxudicatario os gastos dos anuncios e impostos que procedan, incluído o IVE, así como os de dirección técnica das obras.
Vila de Cruces, 21 de xullo de 1999.
O alcalde-presidente
Rubricado