Unha vez que o Consello da Xunta de Galicia, na súa reunión do día 15 de xullo de 1999, acordou declara-la incidencia supramunicipal do proxecto de ramal de gas do complexo ambiental de Cerceda, así como a determinación da Consellería de Medio Ambiente, como órgano competente por razón da materia, para a tramitación do expediente, procede remiti-lo referido proxecto ó trámite de información pública en cumprimento do disposto no artigo 25.3º

da Lei 10/1995, do 23 de novembro, de ordenación do territorio de Galicia, polo que

RESOLVO:

1. Someter a información pública o proxecto de ramal de gas do complexo ambiental de Cerceda durante o prazo dun mes, contado a partir do día seguinte ó da publicación desta resolución no Diario Oficial de Galicia, para que calquera persoa poida examinalo e presenta-las alegacións que considere oportunas dentro do citado prazo.

2. Un exemplar do referido proxecto de ramal de gas do complexo ambiental de Cerceda estará á disposición dos cidadáns durante o horario de atención ó público, nas seguintes dependencias:

-Dirección Xeral de Calidade e Avaliación Ambiental, rúa dos Feáns, nº 7 portal C, de Santiago de Compostela (A Coruña).

-Delegación Provincial da Consellería de Medio Ambiente da Coruña.

-Nos concellos de Abegondo, Cerceda, Ordes e Mesía.

Santiago de Compostela, 22 de xullo de 1999.

Francisco Pan Montojo González

Director xeral de Calidade e Avaliación Ambiental