Por orde desta consellería do 23 de novembro de 1998 (DOG nº 236, do 4 de decembro), convocáronse probas selectivas para a cobertura de 1 posto de traballo vacante nos servicios dependentes da consellería do Instituto Galego da Vivenda e Solo (IGVS) correspondentes ó grupo B, escala de xestión de sistemas de informática, sección analista-programador da Xunta de Galicia, mediante o nomeamento de persoal interino.
Realizadas as probas e publicada a proposta do tribunal do aspirante que as superou, pola Resolución do 10 de xuño de 1999 (DOG nº 132, do 12 de xullo), unha vez presentada e comprobada a documentación esixida pola base oitava da convocatoria, esta consellería, de conformidade co establecido na base novena da orde de convocatoria e facendo uso da facultade conferida polo artigo 13.2.9 da Lei 4/1988, do 26 de maio, da función pública de Galicia,
DISPÓN:
Primeiro.-Nomear persoal interino do grupo B, escala de xestión de sistemas de informática, sección analista-programador da Xunta de Galicia, o aspirante proposto polo correspondente tribunal que a continuación se especifica:
DNI: 76.713.194.
Apelidos e nome: Vila Pérez, Hernán Ovidio.
Segundo.-O aspirante nomeado deberá tomar posesión no prazo de cinco días contados a partir do día seguinte ó da publicación desta orde no Diario Oficial de Galicia. No caso de non incorporarse ó respectivo posto de traballo asinado no prazo indicado anteriormente, decaerá nos seus dereitos, agás nos casos de forza maior.
Terceiro.-O servicio de persoal da unidade administrativa á que sexa destinado o nomeado deberá remitirlle á Dirección Xeral da Función Pública unha copia das dilixencias de toma de posesión.
Cuarto.-Contra a presente orde os interesados poderán interpoñer recurso potestativo de reposición ante o conselleiro da Presidencia e Administración Pública, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, e poderá impugnala directamente perante, á súa elección, o xulgado do contencioso-administrativo da circunscrición na que
teña o seu enderezo ou perante o da Coruña, no prazo de dous meses contados desde a mesma data, segundo a Lei 29/1998, do 13 de xullo.
Santiago de Compostela, 23 de xullo de 1999.
Jaime Pita Varela
Conselleiro da Presidencia e Administración
Pública