De conformidade coa proposta elevada pola comisión designada para xulga-lo concurso convocado por resolución desta universidade do 30 de outubro de 1998 (BOE do 28 de novembro), para a provisión da praza número 98/068, de profesor titular de escola universitaria da área de coñecemento de enxeñería eléctrica, departamento de Enxeñaría, desta universidade, a favor de Ramón Guillermo Borras Formoso, e unha vez acreditados polo interesado os requisitos ós que alude o punto 2º do artigo 5 do Real decreto 1888/1984, do 26 de setembro.

Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Ramón Guillermo Borras Formoso, profesor titular de escola universitaria da área de coñecemento de enxeñaría eléctrica, do departamento de Enxeñaría Industrial, desta universidade.

A Coruña, 16 de xullo de 1999.

José Luis Meilán Gil

Rector da Universidade da Coruña