A orde da Consellería da Presidencia e Administración Pública do 12 de febreiro de 1999 (DOG do 25 de febreiro) aprobaba as bases para a convocatoria de axudas para a realización de proxectos de investigación (anexo I) e para bolsas de predoutoramento (anexo II), do programa de estudios socioeconómicos e xurídicos do Plan Galego de Investigación e Desenvolvemento Tecnolóxico.

Nas bases 4 e 6 dos anexos I e II, respectivamente, da mencionada orde de convocatoria, determinábanse os criterios de selección que deberían ter en conta os membros das respectivas comisións a designar polo secretario xeral de Investigación e Desenvolvemento.

Na súa virtude, atendendo a proposta elaborada polas citadas comisións, esta secretaría xeral

RESOLVE:

Primeiro.-Concede-las axudas para a realización de proxectos de investigación ás persoas que se relacionan no anexo I da presente resolución na contía e polas anualidades que, en cada caso, se sinalan.

Segundo.-As solicitudes que non figuran relacionadas no mencionado anexo I e que foron admitidas para participar neste concurso, entenderase que quedan denegadas por non conseguiren, no proceso de selección, a orde de prioridade imposta polas dispoñibilidades orzamentarias.

Terceiro.-Concederlles bolsas de nova adxudicación para a realización da tese de doutoramento, durante o período do 1 de outubro de 1999 ó 30 de setembro do 2000 (ámbolos dous incluídos), ás persoas que se relacionan no anexo II da presente resolución.

Cuarto.-No caso de producirse algunha renuncia ás bolsas ás que se refire o anexo II desta resolución, a Secretaría Xeral de Investigación e Desenvolvemento procederá, se é o caso, e tendo en conta o remanente de crédito, a adxudicarlle-la dita axuda

a outros candidatos de acordo coa lista de suplentes elaborada pola comisión e que se inclúe no anexo III da presente resolución. A asignación farase pola mesma orde que figura no dito anexo III.

Quinto.-A inobservacia por parte dos beneficiarios de calquera das bases establecidas na orde de convocatoria do 12 de febreiro de 1999 (DOG do 25 de febreiro), suporá a perda do dereito a percibi-la axuda correspondente.

Sexto.-Contra a presente resolución poderase interpoñer recurso de alzada ante o conselleiro da Presidencia e Administración Pública no prazo dun mes contado a partir do día seguinte ó da data da súa publicación no DOG, de acordo co disposto nos

artigos 114 e seguintes da Lei 4/1999, do 13 de xaneiro, que modifica a Lei 30/1992, de réxime xurídico das administracións públicas e do procedemento administrativo común. Nembargantes, os interesados poderán interpoñer calquera outro recurso que estimen oportuno.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 27 de xullo de 1999.

Miguel Ángel Ríos Fernández

Secretario xeral de Investigación e Desenvolvento

ANEXO I

ANEXO II

ANEXO III