De acordo co establecido na lexislación vixente sobre contratos das administracións públicas, a Consellería de Pesca, Marisqueo e Acuicultura anuncia a convocatoria de licitación polo sistema de concurso aberto, polo trámite de urxencia, da adquisición e subministración dunha cinta transportadora e unha báscula para o porto pesqueiro de Vilanova.

Obxecto: adquisición e subministración dunha cinta transportadora e unha báscula para o porto pesqueiro de Vilanova.

Orzamento e tipo: oito millóns cento oitenta mil pesetas (8.180.000), IVE e outros impostos incluídos.

Prazo de entrega: tres meses desde o día seguinte o da sinatura do contrato.

Documentación de interese: os pregos de cláusulas administrativas particulares e de prescricións técnicas que rexerán neste concurso, estarán á disposición dos licitadores na oficina de información da Consellería de Pesca, Marisqueo e Acuicultura en Santiago de Compostela, San Caetano, bloque 5, así como nas delegacións territoriais pertencentes a esta consellería, durante o prazo de presentación de proposicións, os días e horas hábiles de oficina.

Prazo e presentación: as proposicións poderanse presentar no rexistro da Consellería de Pesca, Marisqueo e Acuicultura en Santiago de Compostela, así como nos rexistros das delegacións territoriais pertencentes a esta consellería. O prazo de presentación

rematará ás 14 horas do décimo terceiro día natural seguinte o da publicación desta resolución no Diario Oficial de Galicia.

No caso de utilizar calquera dos medios previstos no artigo 100 do Regulamento xeral de contratación do Estado, remitirase no mesmo día un telegrama ou fax a secretaría xeral, no que se comunique a presentación da oferta.

Apertura de proposicións: será realizada pola mesa de contratación, que se reunirá na Consellería de Pesca, Marisqueo e Acuicultura en Santiago de Compostela, ás dez horas (10 horas) do segundo día hábil contado a partir do seguinte ó do remate do prazo de presentación de propostas sempre e cando este día non coincida en sábado ou festivo. Neste caso tal día pasará a se-lo primeiro hábil seguiente.

O importe do anuncio será por conta do adxudicatario.

Santiago de Compostela, 27 de xullo de 1999.

P.D. (Resolución 23-2-1999)

José-Ricardo Díaz Presedo

Subdirector xeral de Coordinación