Con data do 29 de xuño de 1999, a Dirección Xeral da Consellería de Industria e Comercio da Xunta de Galicia, autorizou as instalacións do proxecto do ramal de subministración a sucesores de Severino Gómez, que discorre polo termo municipal de Tui. Declarado de utilidade pública e urxente ocupación de conformidade co disposto nos artigos 103 e 104 da Lei 34/1998, do 7 de octubro, do sector de hidrocarburos, procede a iniciación do expediente expropiatorio.

Na súa virtude, esta delegación provincial, en cumprimento do disposto no artigo 52 da Lei de expropiación forzosa, do 16 de decembro de 1954, acordou convoca-los titulares dos bens e dereitos afectados para que comparezan na casa do concello onde radican os predios afectados, como punto de reunión para, con independencia de desprazarse posteriormente ó terreo e de conformidade co procedemento que establece o dito artigo, levar a cabo o levantamento das actas previas á ocupación e, se procedese, o das de ocupación definitiva.

Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados por persoa debidamente autorizada, e achega-los documentos acreditativos da súa titularidade máis o último recibo da contribución; pódense acompañar, pola súa conta, dos seus peritos e un notario, se o consideran oportuno.

Para o levantamento de actas os afectados deberán presentarse o próximo día 19 de agosto de 1999 no Concello de Tui, a partir das 10 horas.

A orde do levantamento das actas comunicaráselle a cada interesado mediante a oportuna cédula de

citación, figurando a relación de titulares convocados no taboleiro de edictos do concello sinalado.

É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación deste acordo ós titulares descoñecidos e aqueles con enderezo descoñecido.

No expediente expropiatorio, Gas Galicia DSG, S.A., asumirá a condición de beneficiaria, coas obrigas e os dereitos establecidos nos artigos 2.2º da Lei de expropiación forzosa e 5 do seu regulamento.

Pontevedra, 14 de xullo de 1999.

Carmen Bianchi Valcarce

Delegada provincial de Pontevedra