O secretario xeral, actuando en nome do conselleiro de Política Territorial, Obras Públicas e Vivenda, por delegación de atribucións segundo Orde do 13 de decembro de 1993, resolveu adxudicar-los seguintes contratos:

Adquisición de cinco fotocopiadoras para a Dirección Xeral de Transportes.

Adxudicatario: S.M.C. Servicio de Mantenimiento de Copiadoras, S.L.

Orzamento: 6.992.650 ptas.

Prazo de entrega: inmediata.

Asistencia técnica de estudio dos accesos a Galicia mediante unha nova liña ferroviaria de altas prestacións.

Adxudicatario: U.T.E. Macla Ingenierías La Sarita.

Orzamento: 258.000.000 de ptas.

Prazo de execución: seis meses.

Contra esta resolución, que pon fin á vía administrativa, poderá interpoñerse recurso de reposición ante este mesmo órgano, no prazo dun mes contado a partir do día seguinte ó da notificación desta resolución ou recurso contencioso-administrativo perante a Sala do Contencioso-Administrativo do Tribunal Superior de Xusticia de Galicia, no prazo de dous meses contados a partir do día seguinte ó da notificación desta resolución. En todo caso non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.

O que se fai público para os efectos do previsto no artigo 94 da Lei de contratos das administracións públicas.

Santiago de Compostela, 25 de xuño de 1999.

P.D. ( Orde 13-12-1993)

José Antonio Fernández Vázquez

Secretario xeral da Consellería de Política

Territorial, Obras Públicas e Vivenda