Dando cumprimento ó previsto no artigo 4º da Lei 10/1996, do 5 de novembro, de actuación de entes e empresas nas que ten participación maioritaria a Xunta de Galicia en materia de persoal e contratación, a sociedade Xenética Fontao, S.A. anuncia a convocatoria de proceso selectivo para a contratación laboral fixa da praza seguinte pertencente ó seu cadro de persoal:

-Posto: director de producción.

-Funcións principais: dirección do persoal e do funcionamento interno e medios de producción do

centro de escolma; control das produccións e da calidade; control do banco de seme; e dirección e control dos programas sanitarios do centro.

O proceso selectivo axustarase ás seguintes bases da convocatoria:

I. Requisitos dos aspirantes:

I.1. Titulación oficial superior no ámbito agropecuario.

I.2. Experiencia mínima de dous (2) anos en producción de seme en centros oficiais de escolma e reproducción animal.

II. Méritos valorables:

II.1. Currículo.

II.2. Título de doutor universitario.

II.3. Coñecemento da lingua galega.

II.4. Cursos de especialización en escolma e mellora gandeira, en mellora xenética animal e en inseminación artificial gandeira.

III. Solicitudes:

III.1. Para tomar parte nas probas de selección, deberase presentar unha solicitude xunto coa seguinte documentación:

-Fotocopia do documento nacional de identidade.

-Fotografía tamaño carné.

Documentación orixinal ou fotocopia compulsada que acredite a titulación e a experiencia esixida, así como os méritos para valorar.

III.2. As solicitudes faranse chegar á Secretaría de Xenética Fontao, S.A., ó enderezo do Instituto Lácteo e Gandeiro de Galicia (Ilgga) en Santiago de Compostela, rúa dos Irmandiños, s/n-Salgueiriños (CP 15704).

III.3. O prazo de presentación de solicitudes será de quince (15) días naturais contados a partir do seguinte ó da publicación deste anuncio no Diario Oficial de Galicia.

III.4. Rematado o prazo de presentación de solicitudes, a comisión de selección publicará no taboleiro de anuncios dos servicios centrais do Ilgga, no mesmo enderezo sinalado na base III.2, a lista previa de admitidos e excluídos ó proceso selectivo, establecéndose un prazo de cinco (5) días naturais para que, se é o caso, os interesados poidan corrixi-los posibles erros emendables.

III.5. Transcorrido o prazo sinalado na base III.4., publicaranse as listas definitivas de admitidos e excluídos ó proceso selectivo, estableceranse as puntuacións correspondentes á valoración dos méritos, e sinalarase o lugar, data e hora na que comezarán as probas de selección. A primeira proba realizarase transcorrido un prazo mínimo dun mes desde a publicación da convocatoria no Diario Oficial de Galicia.

III.6. A presentación da solicitude supón a aceptación incondicionada das bases da convocatoria.

IV. Comisión de selección.

IV.1. O proceso selectivo efectuarao por unha comisión de selección, integrada polo director do Ilgga, como presidente, o xefe do Servicio de Xestión Administrativa do Ilgga, como secretario, e tres membros do Consello de Administración de Xenética Fontao, S.A., como vocais.

IV.2. A comisión de selección resolverá cantas dúbidas xurdan no desenvolvemento do proceso selectivo, con suxeición á normativa vixente e ó previsto nas presentes bases da convocatoria.

V. Probas de selección.

Establécense dúas probas de selección:

V.1. Unha, de carácter teórico e práctico, que versará sobre coñecementos no funcionamento interno e dirección da producción dun centro de escolma e reproducción animal, e o control sanitario e mellora xenética dos animais.

V.2. Outra, consistente nunha entrevista persoal, na que se avaliarán os coñecementos dos aspirantes e a súa adecuación ó posto de traballo.

V.3. Efectuada a proba teórica e práctica, a comisión de selección publicará no taboleiro de anuncios sinalado na base III.4 as puntuacións de tódolos aspirantes, e establecerá o lugar, data e hora para que, os que superaron a dita proba, efectúen a entrevista persoal.

VI. Baremo de puntuación.

VI.1. Os méritos ós que se refire a base II puntuaranse cun máximo de dez (10) puntos.

VI.2. A proba teórica e práctica a que se refire a base V.1 terá unha puntuación máxima de dez (10) puntos, e para que se entenda superada é necesario acadar un mínimo de cinco (5) puntos. De non obter esta puntuación mínima o aspirante non poderá acceder á entrevista persoal.

VI.3. A entrevista persoal (base V.2) puntuarase cun máximo de dez (10) puntos.

VII. Selección do candidato.

VII.1 Seleccionarase o candidato que obteña a maior puntuación final, logo da suma das puntuacións parciais obtidas na fase de méritos e nas probas de selección.

VII.2. A comisión de selección proporá ó Consello de Administración de Xenética Fontao, S.A. o nomeamento do candidato seleccionado, que procederá a autoriza-la correspondente contratación.

Santiago de Compostela, 28 de xuño de 1999.

Antonio Crespo Iglesias

Presidente do Consello de Administración

de Xenética Fontao, S.A.