De conformidade co disposto nos artigos 48.1º da Lei de expropiación forzosa do 16 de decembro de 1954, e 48.2º, 49, 50 e 51 do seu Regulamento do 26 de abril de 1957, esta delegación acorda sinala-lo día 12 de agosto de 1999, ás 12 horas, para que o pagador da entidade beneficiaria Unión Eléctrica-Fenosa, S.A. proceda nas oficinas da Casa Consistorial de Betanzos, ós pagamentos dos prezos xusto e xuros, por expropiación e imposición de servidumes de paso da liña eléctrica aérea a 15/20 kV, C.T. e R.B.T. no lugar de San Xiao, no termo municipal de Betanzos (expediente 70/1997), ós interesados propostos como titulares dos predios afectados, ós que se lles dirixirá notificación individual para o efecto.
A Coruña, 16 de xuño de 1999.
Jesús Espada Martínez
Delegado provincial da Coruña