De conformidade co acordo de alcaldía, de data 29 de xuño de 1999, anúnciase concurso, por procedemento aberto e trámite de urxencia, para adxudica-la contratación dos servicios de colaboración en materia de loita contra incendios forestais, conforme o seguinte contido:
1. Obxecto do contrato.
Contratación dos servicios de colaboración en materia de loita contra incendios forestais.
Prezo máximo de licitación: 3.450.000 pesetas.
O contrato executarase conforme o prego de cláusulas administrativas á disposición dos interesados na secretaría do concello.
2. Prazo de execución: 3 meses.
3. Criterios de adxudicación.
Calidade dos servicios que hai que prestar: 70%.
Ofrecemento doutros traballos de colaboración co concello: 20%.
Mellora do prezo: 10%.
4. Garantías. Provisional: 2% do tipo de licitación. Definitiva: 4% do orzamento do contrato.
5. Presentación de proposicións e documentación complementaria: durante os 13 días naturais seguintes ó da publicación do derradeiro anuncio de licitación ben no BOP, ou no Diario Oficial de Galicia en horas de oficina.
6. Modelo de proposición: o contido no prego de cláusulas.
7. Apertura de plicas: no salón de sesións do concello, ás 13 horas do seguinte día hábil ó do remate do prazo da presentación das proposicións.
Arbo, 29 de xuño de 1999.
Manuel Rivera Domínguez
Alcalde-presidente