Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Eléctrica-Fenosa, S.A.

Enderezo social: Sáenz Díez, 45, 32003 Ourense.

Denominación: desvío liñas eléctricas por estrada Lentellais-O Bolo.

Situación: O Bolo.

Descricións técnicas: debido ó alargamento da estrada Lentellais-O Bolo desvíase a L.M.T. aérea O Vao-O Bolo, da que se derivará unha L.M.T. subterránea de 130 m ata o C.T. prefabricado pé de poste con 250 kVA, R/T 20.000/380-220 V que tamén se traslada. Conexión da R.B.T. existente co dito transformador.

Cumpridos os trámites ordenados na Lei 54/1997, do 27 de novembro e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente o seu dereito.

Ourense, 1 de xuño de 1999.

Alfredo Cacharro Pardo

Delegado provincial de Ourense