O presidente de Portos de Galicia, en virtude do disposto no artigo 6.3º da Lei 5/1994, do 29 de novembro, de creación do ente público Portos de Galicia, resolveu adxudica-lo concurso aberto para o outorgamento dunha concesión para construcción e explotación de instalacións para a varada, reparación e mantemento de embarcacións no porto de Tragove (Cambados).
1. Entidade adxudicadora.
a) Organismo: ente público Portos de Galicia.
b) Número de expediente: clave 13-36-99-C-01.
2. Obxecto do contrato.
a) Tipo de contrato: administrativo.
b) Descrición do obxecto: outorgamento dunha concesión para construcción e explotación de instalacións para a varada, reparación e mantemento de embarcacións no porto de Tragove.
c) Boletín, diario oficial e data da publicación do anuncio de licitación: Diario Oficial de Galicia nº 56 do día 23 de marzo de 1999.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma: concurso.
4. Adxudicación.
a) Data: 19 de maio de 1999.
b) Adxudicatario: Celso Díaz Rodríguez.
c) Nacionalidade: española.
5. Outras informacións: en cumprimento do disposto no artigo 58 da vixente Lei 30/1992, de réxime xurídico das administracións públicas y do procedemento administrativo común, do 26 de novembro de 1992, modificada pola Lei 4/1999, do 14 de xaneiro, faise pública esta resolución, que pon fin á vía administrativa e é susceptible de recurso contencioso-administrativo perante o Tribunal Superior de Xustiza de Galicia no prazo de dous meses a partir do día seguinte ó desta publicación, de conformidade co artigo 46 da Lei reguladora da xurisdicción contencioso-administrativa.
Non obstante poderase optar por interpor contra esta resolución recurso de reposición, no prazo dun (1) mes contado a partir do día seguinte ó desta
publicación ante o mesmo órgano que a dictou, de acordo co disposto no artigo 116 da Lei 4/1999, citada anteriormente.
O que se fai público para os efectos previstos no artigo 94 da Lei 13/1995, do 18 de maio, de contratos das administracións públicas.
Santiago de Compostela, 14 de xuño de 1999.
Agustín Hernández Fernández de Rojas
Presidente do ente público Portos de Galicia