Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Energías Especiales de Careón, S.A.

Domicilio social: r/ Betanzos 1, 15004 A Coruña.

Denominación: subestación interconexión do parque eólico de Careón.

Situación: Palas de Rei-Melide.

Características técnicas: 3 módulos de posición de liña a 66 kV, embarrado, autoválvulas e transformadores de tensión en barras, en instalación de intemperie. Telecontrol e mandos en caseta prefabricada. Entrada-saída aérea dobre circuíto a apoio de entronque L.A.T. Melide-Palas de Rei.

Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial, resolve,

Autorizar e aproba-lo proxecto de execución das devanditas intalacións, cunhas características que se axustarán en tódalas súas partes ás que figuran

nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderá inerpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.

Lugo, 21 de xuño de 1999.

Jesús Bendaña Suárez

Delegado provincial de Lugo