Unha vez finalizado o prazo de presentación de solicitudes establecido na base cuarta da Orde do 12 de maio de 1999 (Diario Oficial de Galicia número 101, do 28 de maio) pola que se convocan probas selectivas para cubrir mediante o nomeamento de persoal interino, un posto de traballo de programador (grupo C), vacante nos servicios dependentes da Consellería da Presidencia e Administración Pública, de conformidade coa base quinta da citada orde, esta dirección xeral

RESOLVE:

Primeiro.-Publica-la relación provisional de aspirantes admitidos e excluídos ás probas selectivas para cubrir mediante o nomeamento de persoal interino, un posto de traballo de programador (grupo C), vacante nos servicios dependentes da Consellería da Presidencia e Administración Pública, que figuran como anexo I e II á presente resolución, encon

trándose tamén expostas nos taboleiros de anuncios da Consellería da Presidencia e Administración Pública, nos das súas delegacións provinciais, nas oficinas comarcais da Xunta de Galicia e na delegación territorial da Consellería de Pesca, Marisqueo e Acuicultura en Vigo.

Segundo.-De conformidade co disposto na base quinta da Orde do 12 de maio de 1999 (Diario Oficial de Galicia número 101, de 28 de maio) disporase dun prazo de cinco días, contados a partir do día seguinte ó da publicación desta resolución no Diario Oficial de Galicia para formular reclamación.

Para efectos de información o teléfono de contacto é o 902 12 00 12 en horarios de 9 a 19 horas de luns a venres e de 9 a 14 horas os sábados.

Santiago de Compostela, 28 de xuño de 1999.

Joaquín López-Rúa Soler

Director xeral da Función Pública

ANEXO I

Relación provisional de aspirantes admitidos

ANEXO II

Relación provisional de aspirantes excluídos