O conselleiro da Presidencia e Administración Pública dictou, con data 23 de xuño de 1999, resolucións estimatorias dos recursos formulados por Aurelio Mosteiro Riveiro e Alberto Javier Morillo Castro, contra a Resolución do 10 de marzo de 1999, da Dirección Xeral da Función Pública, pola que se fan públicas as listas para a cobertura con carácter temporal, mediante o nomeamento de persoal interino, de postos de traballo reservados a funcionarios, reguladas no Decreto 89/1997, do 10 de abril, e correspondentes ó corpo de auxiliares técnicos da Xunta de Galicia (grupo D), escala de axentes forestais (Diario Oficial de Galicia do 17-3-1999).
Dado que o carácter das resolucións é estimatorio das peticións dos interesados, procede darlle a debida publicidade á modificación provocada por estas, nas listas publicadas por Resolución do 10 de marzo de 1999, no sentido de que deben figurar na lista para a cobertura con carácter temporal de postos correspondentes ó corpo de auxiliares técnicos da Xunta de Galicia (grupo D), escala de axentes forestais, os datos seguintes:
-Aurelio Mosteiro Riveiro.
DNI número 35.303.454.
No posto número 41, para o ámbito territorial da Coruña.
No posto número 48, para o ámbito territorial de Lugo.
No posto número 45, para o ámbito territorial de Ourense.
No posto número 41, para o ámbito territorial de Pontevedra.
-Alberto Javier Morillo Castro.
DNI número 34.261.888.
No posto número 151, para o ámbito territorial da Coruña.
No posto número 169, para o ámbito territorial de Lugo.
No posto número 155, para o ámbito territorial de Ourense.
No posto número 150, para o ámbito territorial de Pontevedra.
En consecuencia, varíase correlativamente a orde de prelación dos solicitantes posteriores na lista correspondente.
Contra a presente resolución, que pon fin á vía administrativa, os interesados poderán interpoñer, con carácter potestativo, recurso de reposición ante o conselleiro da Presidencia e Administración Pública no prazo dun mes contado desde o día seguinte ó da publicación da presente resolución no Diario Oficial de Galicia ou, directamente, o recurso contencioso-administrativo, no prazo de dous meses contados desde o seguinte ó da súa publicación no Diario Oficial de Galicia, perante o Xulgado do Contencioso-Administrativo da Coruña, conforme o artigo 14.2º da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 25 xuño de 1999.
Joaquín López-Rúa Soler
Director xeral da Función Pública
