Por acordo da Comisión de Goberno do 10-6-1999 foi aprobado o prego de cláusulas particulares que rexerán a contratación para as obras que se indican, o que se expón ó público, na secretaría do concello, por prazo de catro días hábiles, contados desde a publicación do presente anuncio no BOP, durante o cal tódolos interesados poderán presenta-las reclamacións que estimen oportunas.
Simultaneamente, anúnciase licitación para adxudica-lo contrato mediante tramitación urxente, procedemento aberto e forma de concurso segundo o seguinte detalle:
1. Entidade adxudicadora: concello de Vilar de Santos, r/ Celanova, 77, 32650, Vilar de Santos, Teléfono 988 46 58 83, fax 988 46 58 63. O expediente tramítase na secretaría, dependencia na que se pode obte-la documentación.
2. Obxecto do contrato e prazo de execución: a) Abastecemento das parroquias Parade e Vilar de Santos, 3 meses; b) Camiño Casas da Ponte-Toxediño, 3 meses.
3. Orzamento de licitación: improte total incluída a redacción dos proxectos, dirección de obra, beneficio industrial, gastos xerais e IVE: a) Abastecemento das parroquias de Parada e Vilar de Santos: 6.400.000 ptas., b) Camiño da Casa da Ponte-Toxediño: 6.380.000 ptas.
4. Fianzas: provisional, non se esixe. Definitiva, 4% do orzamento.
5. Clasificación do contratista: non se esixe.
6. Presentación de proposicións: prazo: ata as 14 horas do 13º día natural seguinte a aquel no que apareza inserido o anuncio no DOG e no BOP de luns a venres, computándose o prazo a partir da última publicación. Documentación para presentar: o que se sinala no punto IX, do prego de cláusulas administrativas. Lugar de presentación: no rexistro xeral do concello, r/ Celanova, 77, 32650, Vilar de Santos. Prazo de vinculación da oferta: vinte días ou corenta no caso de baixa temeraria, como máximo, contado desde a apertura de proposicións. Modelo de proposición: figura no prego.
7. Apertura das ofertas: o xoves seguinte ó día no que finalice o prazo de presentación das proposicións ás 18 horas.
8. Gastos dos anuncios: os gastos que xere esta contratación serán por conta do adxudicatario.
Vilar de Santos, 14 de xuño de 1999.
Xosé Antón Jardón Da Cal
Alcalde
