DOG 124 do 30/06/1999 - ORDE do 25 de xuño de 1999 pola que se resolve o concurso para a provisión de postos de traballo vacantes da Administración xeral da Xunta de Galicia 1/1998, convocado pola Orde do 23 de decembro de 1998.

IV. OPOSICIÓNS E CONCURSOS

CONSELLERÍA DA PRESIDENCIA E ADMINISTRACIÓN PÚBLICA

ORDE do 25 de xuño de 1999 pola que se resolve o concurso para a provisión de postos de traballo vacantes da Administración xeral da Xunta de Galicia 1/1998, convocado pola Orde do 23 de decembro de 1998.

Convocado concurso 1/1998 pola orde desta consellería do 23 de decembro de 1999 (DOG nº 250, do 29 de decembro), e á vista das propostas de adxudicacións de vacantes ós participantes no concurso,

elevadas polas comisións de valoracións de méritos dos concursantes, mediante acordos adoptados na sesión do 24 de xuño de 1999, esta consellería de conformidade co previsto na base VI.6 da convocatoria

DISPÓN:

Primeiro.-Resolver definitivamente o concurso 1/1998, adxudicándolles ós/ás funcionarios/as que se relacionan no anexo I os postos de traballo que se especifican nel.

Segundo.-De conformidade co disposto no Regulamento de provisión de postos de traballo, promoción profesional e promoción interna e na base VIII.1 da convocatoria do concurso, a toma de posesión dos funcionarios/as que obtivesen un posto de traballo como consecuencia da resolución do concurso efectuarase nos prazos establecidos no artigo 14 do citado regulamento, computándose estes a partir do día 15 de setembro de 1999.

Terceiro.-Contra a presente orde, que pon fin á vía administrativa, poderase interpoñer recurso potestativo de reposición, ante esta consellería no prazo dun mes contado desde o día seguinte ó da súa publicación no Diario Oficial de Galicia de conformidade co establecido na Lei 30/1992, do 26 de novembro, ou se poderá impugnar directamente ante o Xulgado do Contencioso-Administrativo da Coruña, no prazo de dous meses contados desde a mesma data, segundo a Lei 29/1998, do 13 de xullo.

Santiago de compostela, 25 de xuño de 1999.

Jaime Pita Varela

Conselleiro da Presidencia e Administración

Pública

AG-Agricultura, Gandería e Política Agroalimentaria.

CU-Cultura, Comunicación Social e Turismo.

ED-Educación e Ordenación Universitaria.

EF-Economía e Facenda.

FA-Familia e Promoción do Emprego, Muller e Xuventude.

IC-Industria e Comercio.

MA-Medio Ambiente.

OT-Política Territorial, Obras Públicas e Vivenda.

PE-Pesca, Marisqueo e Acuicultura.

PR-Presidencia e Administración Pública.

SA-Sanidade e Servicios Sociais.

XU-Xustiza, Interior e Relacións Laborais.