A Comisión de Goberno, en sesión celebrada o 31 de maio de 1999 aprobou, con carácter inicial, o proxecto de urbanización da travesía prevista polo Plan Xeral Municipal de Ordenación entre a avenida de Eduardo Pondal e a rúa Camiño do Gorgullón, promovido, mediante iniciativa particular, por Procastrolar, Sociedad Limitada, e redactado pola arquitecta María Ilde Portos Taboada, con visado da delegación en pontevedra do COAG con data do 21-12-1998 e anexo a memoria e orzamento do proxecto e plano número 7 de perfil transversal da rúa, subscritos pola citada arquitecta intervidos colexialmente o 3-3-1999, reformando e anulando os correlativos do proxecto, dispoñéndose o seu sometemento a información pública.

Durante o prazo dun mes, contado a partir da publicación deste anuncio no Diario Oficial de Galicia, calquera interesado poderá examinar na Unidade de Fomento do concello (rúa dona Tareixa) a documentación inicialmente aprobada, e formula-las alegacións que coide pertinentes.

Pontevedra, 9 de xuño do 1999.

Juan Luis Pedrosa Fernández

Alcalde

Julio Dapena Outomuro

Secretario xeral