Cumpridos os trámites previstos na Lei 62/1997, do 26 de decembro, de modificación da Lei 27/1992, do 24 de novembro, de Portos do Estado y da Mariña Mercante, na Lei 22/1988, de costas, no seu regulamento, aprobado por Real decreto 1471/1989, do 1 de decembro, e nas demais normas de procedente aplicación, acordouse en virtude das atribucións delegadas por orde do conselleiro de Política Territorial, Obras Públicas e Vivenda, do 29 de xaneiro de 1996, outorgar por resolucións que poñen fin á vía administrativa, as seguintes concesións en dominio público portuario, con suxeición ás condicións estipuladas nos pregos de condicións correspondentes.
Resolución: 18-5-1999.
Obxecto: legalización da nave de preparación de peixe existente no porto de Burela.
Porto: Burela.
Adxudicatario: confraría de pescadores de Burela.
Prazo: 10 anos.
Resolución: 26-5-1999.
Obxecto: construcción dun edificio para instalacións de remo e piragüismo.
Porto: Miño.
Adxudicatario: Concello de Miño.
Prazo: 15 anos.
Contra os citados actos administrativos, cabe interpor recurso contencioso-administrativo ante o Tribunal Superior de Xustiza de Galicia no prazo de dous (2) meses contados a partir do día seguinte ó da publicación da resolución, facendo público o outorgamento.
Non obstante, os interesados poderán optar por interpor contra esta resolución recurso de reposición, no prazo dun (1) mes contado a partir do día seguinte ó desta publicación, perante o mesmo órgano que a dictou, de acordo co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 14 de xaneiro.
Santiago de Compostela, 27 de maio de 1999.
Agustín Hernández Fernández de Rojas
Presidente do ente público Portos de Galicia