De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle ás persoas que no anexo se mencionan que, con esta data resolvín publica-la proposta de resolución do procedemento sancionador que se instrúe, por infracción administrativa á Lei 10/1998, do 21 de abril, de residuos, por non ser posible a súa notificación.
O interesado dispón dun prazo de quince días, contados a partir do seguinte ó da publicación desta notificación, para formular cantas alegacións coide pertinentes. No mesmo prazo ponse o procedemento de manifesto para trámite de vista se o consideran oportuno. O expediente pode ser examinado na delegación provincial desta consellería, sita no edificio
administrativo de servicios múltiples Monelos, A Coruña.
Rematado o prazo que se sinala, esta proposta, xunto con tódolos documentos que constan no expediente, remitiráselle ó conselleiro de Medio Ambiente, para a resolución do procedemento.
O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189 do 9).
A Coruña, 24 de maio de 1999.
Rogelio Aramburu Núñez
Delegado provincial da Coruña
ANEXO
Expediente: R-98/0078.
Denunciado: Eladio Silva Álvarez.
Último enderezo coñecido: Jaén, 18, 24400 Ponferrada, Léon.
Feitos denunciados: vertidos líquidos en praia de escasa contía.
Tipificación Lei de residuos. Artigo: 34.4º.c). Cualificación: leve.
Sanción proposta: 50.000 ptas. multa.