Visto o expediente incoado por Elvira Santiago Piñeiro, no que solicita o cambio de dominio mortis-causa da batea de cultivo de mexillón denominada To, outorgada pola orde ministerial do 27-2-1973, situada na cuadrícula nº 299, do polígono C de Cambados, rematando a concesión o 12-4-2003, e do que eran titulares Guillermo Dios Dios e Elvira Santiago Piñeiro.
Tendo en conta o informado polo Servicio Técnico-Xurídico e de conformidade co sinalado no artigo 59.3º da Lei 6/1993, do 11 de maio, de pesca de Galicia e 10.1º do Decreto 406/1996, e considerando que ó expediente figuran unidos o certificado de defunción, a certificación do Rexistro de Derradeiras Vontades, a acta de notoriedade de declaración de herdeiros abintestato, a copia da escritura de partición da herdanza e a documentación acreditativa do pagamento ou a presentación do pagamento do imposto de sucesións e doazóns, esta consellería tivo a ben acceder ó solicitado, declarando titulares da concesión administrativa e da batea da que se trata, nas mesmas condicións cás expresamente consignadas na orde ministerial de outorgamento, a favor de Elvira Dios Santiago (35.441.728) e Luis Javier Dios Santiago (35.466.060).
Os novos titulares subróganse no prazo, dereitos e obrigas dos anteriores, así como quedan obrigados a observa-las disposicións en vigor sobre este particular.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca, Marisqueo e Acuicultura ou recurso contencioso-administrativo que se interporá no prazo de dous meses contados desde o día seguinte ó da súa notificación ou publicación ante a xurisdicción contencioso-administrativa, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.
Vigo, 27 de maio de 1999.
P.D. (Orde 27-6-1990, DOG nº 134, do 10 de xullo)
Rosa Mª Quintana Carballo
Delegada territorial de Vigo
