Visto o expediente incoado por Mª Asunción Rodríguez Tubío, no que solicita o cambio de dominio mortis-causa da batea de cultivo de mexillón denominada M.L.V., outorgada pola orde ministerial do 26-4-1967, situada na cuadrícula nº 26, do polígono A de Vilagarcía de Arousa, rematando a concesión o 19-12-1999, e do que eran titulares Juan Rafael Torres Sobradelo.
Tendo en conta o informado polo Servicio Técnico-Xurídico e de conformidade co sinalado no artigo 59.3º da Lei 6/1993, do 11 de maio, de pesca de Galicia e 10.1º do Decreto 406/1996, e considerando que ó expediente figuran unidos o certificado de defunción, a certificación do Rexistro de Derradeiras Vontades, a acta de notoriedade de declaración de herdeiros e a relación de bens e a documentación acreditativa do pagamento ou da presentación ó pagamento do imposto de sucesións e doazóns, esta consellería tivo a ben acceder ó solicitado, declarando titulares da concesión administrativa e da batea da que se trata, nas mesmas condicións cás expresamente consignadas na orde ministerial de outorgamento, a favor de Lara Torres Rodríguez e Blanca Torres Rodríguez.
As novas titulares subróganse no prazo, dereitos e obrigas dos anteriores, así como quedan obrigados a observa-las disposicións en vigor sobre este particular.
Contra esta resolución, que esgota a vía administrativa, poderase interpoñer recurso potestativo de reposición no prazo dun mes ante o conselleiro de Pesca, Marisqueo e Acuicultura ou recurso contencioso-administrativo que se interporá no prazo de dous meses contados desde o día seguinte ó da súa notificación ou publicación ante a xurisdicción contencioso-administrativa, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, do 13 de xaneiro, de réxime xurídico das administracións públicas e do procedemento administrativo común e o artigo 46.1º da Lei 29/1998, do 13 de xullo, da xurisdicción contencioso-administrativa.
Vigo, 27 de maio de 1999.
P.D. (Orde 27-6-1990, DOG nº 134, do 10 de xullo)
Rosa Mª Quintana Carballo
Delegada territorial de Vigo
