Para os efectos previstos no artigo 53 da Lei 54/1997, do sector eléctrico, no artigo 10 do Decreto 2619/1966, polo que se aproba o regulamento da Lei 10/1966, sobre expropiación forzosa e sancións en materia de instalacións eléctricas, sométese de novo a información pública a declaración de utilidade pública, en concreto, solicitada por Eurovento, S.L. (unipersoal), con enderezo social na rúa Galeras, 17, 15705 Santiago de Compostela, para o parque eólico Paxareiras IIF (Ruña), ó se ter coñecemento con posterioridade á publicación da primeira exposición pública de que sobre parte do predio número 1, o Concello de Mazaricos xa non ten a condición de titular ou propietario segundo unha sentencia xudicial firme do 1 de outubro de 1998, dictada polo Xulgado de Primeira Instancia número catro da Coruña en autos de menor contía número 236/1996.

Denominación: parque eólico Paxareiras II-F (Ruña).

Municipios afectados: Mazaricos (A Coruña).

Situación: montes Ruña de Colúns e parcela I do Pedregal-Ruña.

O que se fai público para coñecemento xeral e especialmente dos propietarios e demais titulares afectados dos que se insire relación no anexo desta resolución, así como as persoas que sendo titulares de dereitos reais ou intereses económicos sobre os bens afectados fosen omitidos, para que poidan examina-lo expediente no que constan as características e afeccións derivadas do proxecto nesta delegación provincial, situada no edificio administrativo Monelos, s/n, 15701 A Coruña, e presenta-las alegacións oportunas no prazo de 30 días, contados desde o seguinte ó da publicación desta resolución.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñocidos ou se ignore o lugar de notificación; e deste xeito dirixir ó Ministerio Fiscal as dilixencias que se produzan sobre estes, de conformidade co artigo 5 da Lei de expropiación forzosa do 16 de decembro de 1955.

A Coruña, 1 de xuño de 1999.

Jesús Espada Martínez

Delegado provincial da Coruña

Relación de propietarios, bens e dereitos afectados

Propietarios privados afectados Paxareiras IIF (Expte.: IN 661A 96/3)

Beneficiario da expropiación: Eurovento, S.L. Proxecto: parque eólico de Paxareiras IIF (Ruña).

Provincia: A Coruña.

Termo municipal: Mazaricos.

* Tipo de afección: expropiación de plena propiedade.

Dimencións: Cimentación=15x15 m. Accesos=12 m de largo. Plataforma=20x20 m. Transformador=10x8 m. Gabia=2 m de largo.

** Tipo de afección: imposición servidume paso eléctrico subterráneo.

*** Tipo de afección: imposición servidume voo pa do aeroxerador.

**** Tipo de afección: ocupación temporal (1 ano) para realización obras de execución parque eólico comprensiva dun corredor de 35 m a cada lado da aliñación de aeroxeradores.