En cumprimiento do disposto no artigo 5, punto 2, do Decreto 442/1990, do 4 de outubro, de avaliación de impacto ambiental para Galicia (DOG nº 188, do 25 de setembro), e durante o prazo de trinta días hábiles, o órgano ambiental someterá o estudio de impacto ambiental ó trámite de información pública, mediante anuncio no Diario Oficial de Galicia.

Na súa virtude

RESOLVO:

1. Someter a información pública o estudio de impacto ambiental do proxecto de clausura dos vertedoiros de Monte Balboa e Pedra da Regacha, situados nos concellos de Arteixo e A Coruña, provincia da Coruña.

2. Para os devanditos efectos informativos, poranse á disposición dos administrados exemplares nas seguintes dependencias:

-Dirección xeral de Calidade e Avaliación Ambiental.

-Delegación provincial da Consellería de Medio Ambiente da provincia da Coruña.

-Concellos de Arteixo e A Coruña.

3. As alegacións formularanse durante o prazo de trinta días, contados a partir do seguinte ó da publicación desta resolución no Diario Oficial de Galicia.

Santiago de Compostela, 8 de xuño de 1999.

Francisco Pan-Montojo González

Director xeral de Calidade e Avaliación Ambiental