O Concello Pleno, con data do 26 de marzo de 1999, aprobou definitivamente o estudio de detalle na parcela que abrangue a zona sur das rúas Cangas e Bouzas e a illa edificable que conforman, promovido por Javier Orosa García e redactado polo arquitecto Xosé Lois Martínez Suárez.

Contra este acordo poderase interpoñer recurso potestativo de reposición perante o órgano que dictou o acto, no prazo dun mes, conforme o establecido no artigo 116 da Lei 30/1992, modificada pola Lei 4/1999, ou recurso contencioso-administrativo, previto no artigo 46 da Lei 29/1998, do 13 de xullo reguladora da xurisdicción contencioso-administrativa, perante a Sala do Contencioso-Administrativo do Tribunal Superior de xustiza, no prazo de dous meses a aprtir do día seguinte ó desta publicación.

Contra a resolución do recurso de reposición poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza, no prazo de dous meses,

se a resolución fose expresa, e de seis meses se esta fose presunta.

Tamén poderán utilizar, non obstante, outros recursos se o considerase oportuno.

Narón, 6 de maio de 1999.

Xoán Gato Díaz

Alcalde