Visto o texto do convenio colectivo para o sector do comercio téxtil da provincia de Lugo (código 2700205), asinado o día 29 de abril de 1999 pola representación da asociación empresarial téxtil da provincia de Lugo e das centrais sindicais CC.OO. (55,6%), UGT (22,2%) e CIG (22,2%), e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios coelctivos de traballo, esta delegación provincial
ACORDA:
Primeiro.-Ordena-la inscrición do citado convenio coelctivo no rexistro de convenios desta delegación, así como o seu depósito.
Segundo.-Remiti-lo texto do mentado convenio á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 10 de maio de 1999.
Manuel Teijeiro Álvarez
Delegado provincial de Lugo
Convenio colectivo provincial do comercio téxtil de Lugo
Artigo 1º.-Ámbito funcional.
Este convenio colectivo afecta e vincula a tódalas empresas e traballadores da provincia de Lugo que se atopen encadradas no sector do comercio téxtil, a través da agrupación provincial da dita actividade, comprendidos no ámbito funcional e de aplicación do texto do acordo para a substitución da ordenanza do comercio publicada no Boletín Oficial del Estado do 9 de abril de 1996.
Artigo 2º.-Ámbito territorial.
As disposicións deste convenio comprenderán todo o territorio de Lugo e á súa provincia.
Artigo 3º.-Ámbito persoal.
Quedan sometidos ás estipulacións deste convenio tódalas empresas e traballadores comprendidos no ámbito funcional do texto do acordo para a substitución da ordenanza do comercio e disposicións ulteriores que a desenvolvan, que se dediquen á actividade de comercio téxtil, quedando excluído o persoal especificado no Estatuto dos traballadores cun contrato que non é constitutivo dunha relación laboral de traballo.
Artigo 4º.-Vixencia e duración.
A vixencia deste convenio coelctivo de traballo será desde o 1 de abril de 1998 ó 31 de marzo do ano 2000, independentemente da súa publicación no BOP.
Artigo 5º.-Denuncia e rescisión.
Cunha antelación mínima de 30 días á data de remate do convenio deberá ser este denunciado por calquera das partes. A ausencia de denuncia deste convenio significará, en todo caso, a súa prórroga por un ano, en iguais termos, salvo o referente a táboa salarial.
Artigo 6º.-Salario base.
Comprende para o período que vai desde o 1 de abril de 1998 ata o 31 de marzo de 1999 as retribucións que figuran no anexo I deste convenio, resultado de lle aplicar a táboa salarial do convenio anterior un incremento do 2%.
Para o período que vai desde o 1 de abril de 1999 ata o 31 de marzo do ano 2000 comprende as retribucións que figuran no anexo II deste convenio, resultado de lle aplicar á táboa salarial do período anterior un incremento do 2%.
Artigo 7º.-Gratificacións regulamentarias.
A contía das gratificacións do 25 de xullo e de nadal serán dunha mensualidade cada unha, dos salarios deste convenio, comprendido o salario base da táboa anexa e a antigüidade.
Artigo 8º.-Paga de beneficios.
Será aboada pola emrpesa en concepto de beneficios, unha paga da mensualidade dos salarios base da táboa salarial deste convenio, incrementada coa antigüidade e, en todo caso, terá que liquidarse a de cada ano dentro do primeiro trimestre do ano seguinte.
Artigo 9º.-Sobresoldo de desgaste de vestiario.
Coa finalidade de repoñe-la deterioración que poida experimenta-lo traballador nas súas pezas de roupa polo exercicio das súas funcións, establécese un sobresoldo de desgaste de vestiario mensual -que é para cada ano o que figura no anexo táboa salarios, 2ª columna- para tódalas categorías profesionais, con excepción dos traballadores menores de 18 anos, que percibirán a metade da contía anteriormente citada. Así mesmo, este sobresoldo permanecerá inalterable polas posibles subidas que experimente o salario base, tendo o carácter de non absorvible.
Artigo 10º.-O sobresoldo de desgaste de vestiario devengarase nas doce mensualidades por cada anualidade, sen incluílo nas pagas extraordinarias e de beneficios.
Artigo 11º.-Antigüidade.
A antigüidade consistirá no devengo de cuadrienios do 6% cada un, aplicable sobre os salarios base da táboa anexa deste convenio.
Artigo 12º.-Xornada de traballo.
A xornada de traballo máxima legal para o persoal comprendido neste convenio colectivo será de 40 horas semanais de traballo efectivo.
Artigo 13º.-Vacacións.
O persoal comprendido neste convenio gozará dun período anual de vacacións de 30 días, preferentemente entre os meses de xuño e setembro.
Artigo 14º.-Premio de constancia no traballo.
Para premia-la constancia no traballo, será aboado polas empresas, ó traballador que se xubile cun mínimo de 15 anos de servicio, o importe de dúas mensualidades completas das retribucións vixentes na data de xubilación, incrementadas en dúas mensualidades máis por cada 10 anos de servicios que excedan dos 15 primeiros. Este premio satisfarase igualmente ós que sexan declarados inválidos permanentes e, reunindo os requisitos expresados anteriormente, deban cesar por tal causa na empresa.
Artigo 15º.-Socorro de defunción.
Ó falecemento do traballador, as empresas aboaranlles ó cónxuxe, descendentes ou irmáns que viviran con aquel, e pola orde expresada, un socorro de defunción de tres mensualidades do salario total do causante, por canto as 5.000 ptas. que polo sub
sidio de defunción outorga a Seguridade Social, non alcanzan a cubri-los gastos de enterramento.
Artigo 16º.-Póliza de seguros.
As empresas subscribirán, a favor dos seus traballadores, unha póliza de seguros por importe de 1.500.000 ptas. que cubra, en caso de accidente de traballo, os riscos de morte e invalidez permanente nos graos de total, absoluta e grande invalidez.
Artigo 17º.-Mozo especializado.
Todo traballador que actualmente figure na categoría como mozo e que efectúe traballos como reposición de almacén ou facturación de mercadorías, pasará á categoría de mozo especializado.
Artigo 18º.-Dereitos sindicais.
As empresas poñerán á disposición dos comités de empresa oud elegados de persoal o oportuno taboleiro de anuncios para o seu uso, sen prexuízo de poder mantelo para outros usos nos que así se autorizaran. As empresas poderán deducir a través das nóminas as cotas correspondentes ós afiliados ás centrais sindicais asinantes deste convenio naqueles supostos nos que os interesados o solicitasen por escrito á dirección da empresa, indicando o número de conta corrente do sindicato á que desexen que se lles transfira o importe da referida cota.
Artigo 19º.-Comisión paritaria.
Para interpreta-lo contido deste convenio, vixia-lo cumprimento e exercer funcións de arbitraxe nos problemas ou cuestións suscitados como consecuencia da aplicación deste, constitúese unha comisión mixta paritaria entre as partes asinantes deste convenio, que estará formada por 4 representantes da asociación de empresarios asinante, 1 de UGT, 2 de CC.OO e 1 da CIG, igualmente asinantes. No caso de que non se chegase a un acordo na dita comisión, ámbalas dúas partes sométense a competencia do Servicio de Mediación, Arbitraxe e Conciliación (SMAC) e xurisdicción competente.
Artigo 20º.-Condicións máis beneficiosas.
Tódalas melloras contidas neste convenio teñen o carácter de mínimas, dentro das condicións pactadas. Respectaranse as situacións que impliquen para o traballador condicións máis beneficiosas cás aquí pactadas manténdose as ad personam en canto excedan das pactadas no cómputo anual.
Artigo 21º.-Normas de subsidiaria aplicación.
En todo o non previsto neste convenio rexerá subsidiariamente o texto de acordo para a substitución da ordenanza laboral de comercio publicado no Boletín Oficial del Estado do 9 de abril de 1996 e disposicións posteriores que o desenvolvan e complementen, e as normas laborais de xeral aplicación.
Artigo 22º.-Publicidade.
As empresas expoñerán nos seus centros de traballo un exemplar deste convenio para consulta e coñecemento dos traballadores afectados por el.
Artigo 23º.-Servicio militar ou prestación social substitutoria.
O persoal que na data de incorporación ó servicio militar ou prestación social substitutoria levase dous anos de prestación de servicios na empresa, terá dereito a percibir, mentres se atope incorporado a filas, as gratificacións extraordinarias de xullo ou Nadal que coincidan coa dita prestación de servicio.
Artigo 24º.-Licencias retribuídas.
O traballador, logo de aviso e xustificación, poderá ausentarse do traballo con dereito a remuneración por algún dos motivos e polo tempo seguinte:
a) 15 días en caso de matrimonio.
b) 2 días en caso de falecemento ou enfermidade grave de parentes ata o segundo grao de consanguinidade ou afinidade.
Artigo 25º.-Comisión de seguridade e hixiene.
As partes asinantes acordan constituír unha comisión provincial sectorial de seguridade e hixiene no traballo, integrada por un representante de cada unha das centrais sindicais asinantes do convenio e un número de representantes da asociación empresarial téxtil igual ó total das centrais sindicais.
As funcións básicas da comisión de seguridade e hixiene terá como obxectivos prioritarios:
1. Promove-la observación das disposicións legais vixentes para a prevención dos riscos profesionais no ámbito do sector.
2. Prestar asesoramento ós empresarios e traballadores para evitar e/ou reduci-los riscos que atenten á integridade física e saúde dos traballadores.
3. Dar a coñece-las normas e os procedementos que en materia de seguridade e hixiene dicten os organismos especializados nesta materia.
4. Solicitar informes sobre os resultados estatísticos dos recoñecementos médicos que se realicen ós traballadores deste sector.
5. Cantas outras funcións a comisión se atribúa orientadas ó desenvolvemento e á mellora da Seguridade Social e hixiene no traballo, no sector, e na provincia de Lugo.
Artigo 26º.-Comisión de formación.
As partes sinatarias acordan constituír unha comisión paritaria sectorial provincial de formación profesional, integrada por 1 representante de cada unha das centrais sindicais asinantes do convenio e un número de representantes da asociación empresarial téxtil igual ó número total de representantes das centrais sindicais.
Serán funcións desta comisión:
-Requirir das administracións autonómica e central competentes o recoñecemento desta comisión como interlocutor social sectorial, que reciba a información existente sobre programas e cursos de formación profesional con financiamento oficial que afecten o sector de comercio téxtil, coa finalidade de colaborar tanto nos que estean en marcha coma nos que se poidan programar no futuro.
-Elaborar estudios sobre necesidades e requirimentos de formación profesional no sector para chegar a defini-la organización e programación desta, tanto ocupacional coma regrada.
-Elabora-los plans formativos necesarios para acada-la homologación das cualificacións profesionais de trabalaldores técnicos, administrativos e manuais cos seus equivalentes na Comunidade Económica Europea.
-Cantas outras funcións a comisión se atribúa orientadas ó desenvolvemento e á mellora da formación profesional no sector na provincia de Lugo.
Artigo 27º.-Modalidades de contratación.
Os contratos de duración determinada previstos no artigo 15.1º b) do Real decreto lexislativo 1/1995, polo que se aproba o texto refundido da Lei do Estatuto dos traballadores, poderán ter unha duración máxima de doce meses dentro dun período de dezaoito meses. No caso de que se concerten tales contratacións por un prazo inferior a doce meses, poderán ser prorrogados mediante acordo das partes, sen que a duración total do contrato poida exceder do dito límite máximo.
Artigo 28º.-Xubilación anticipada.
As empresas e os traballadores poderán pactar, logo da existencia de común acordo por ámbalas dúas partes, xubilacións anticipadas ós 64 anos, de conformidade co disposto no Real decreto 1194/1985, do 17 de xullo, debendo as empresas substituí-los traballadores simultaneamente ó seu cesamento por xubilación, por outros traballadores nas condicións previstas no citado real decreto.
As empresas e os traballadores poderán pactar, logo da existencia de común acordo por ámbalas dúas partes, xubilacións parciais ós 62 anos, de conformidade co disposto no Real decreto 1991/1984, do 31 de outubro, debendo as empresas substituí-la xornada reducida simultaneamente á xubilación parcial, por outros traballadores contratados a tempo parcial nas condicións previstas no citado real decreto.
Disposición adicional
Única.-Aboamento de atrasos.
Os atrasos ós que haxa lugar como consecuencia da publicación deste convenio, terán que se lles aboar ós traballadores no prazo de dous meses contados desde a súa publicación no BOP de Lugo.
ANEXO I
Táboa salarial do convenio de comercio téxtil de Lugo
Vixencia: 1-4-1998 ó 31-3-1999
base mes anual
Categoría profesional Soldo
Grat. Soldo
Retrib.
Grupo I: persoal técnico titulado Titulado grao superior 130.057 9.095 139.152 2.059.995 Titulado grao medio 110.537 8.858 119.395 1.764.351 Axudante técnico sanitario 97.521 8.698 106.219 1.567.191
base mes anual
Categoría profesional Soldo
Grat. Soldo
Retrib.
Grupo II: persoal mercantil técnico non titulado Director 143.083 9.258 152.341 2.257.341 Xefe de división 126.794 9.058 135.852 2.010.606 Xefe de persoal 123.560 9.017 132.577 1.961.604 Xefe de compras 123.560 9.017 132.577 1.961.604 Encargado xeral 123.560 9.017 132.577 1.961.604 Xefe de sucursal e súper 110.537 8.858 119.395 1.764.351 Xefe de almacén 110.537 8.858 119.395 1.764.351 Xefe de grupo 104.023 8.777 112.800 1.665.669 Xefe de sección mercantil 95.558 8.672 104.230 1.537.434 Encargado establecemento poxa 94.254 8.656 102.910 1.517.682 Intérprete 84.038 8.273 92.311 1.359.846 Xefe de vendas 123.560 9.017 132.577 1.961.604
Persoal mercantil propiamente dito: Viaxante 95.558 8.672 104.230 1.537.434 Corredor de praza 94.254 8.656 102.910 1.517.682 Dependente 90.999 8.616 99.615 1.468.377 Dependente maior 99.955 8.726 108.681 1.604.037 Axudante 83.610 8.528 92.138 1.356.486 Aprendiz (1º ano) 52.632 8.129 60.761 887.028 Aprendiz (2º ano) 59.425 8.129 67.554 988.923 Aprendiz (3º ano) 66.219 8.129 74.348 1.090.833
Grupo III: persoal técnico non titulado Director 143.083 9.258 152.341 2.257.341 Xefe de división 126.794 9.058 135.852 2.010.606 Xefe de administración 114.442 8.905 123.347 1.823.490 Secretario 92.311 8.629 100.940 1.488.213 Xefe de sección administrativa 106.617 8.810 115.427 1.704.975
Persoal administrativo Contable, caixeiro, taquimecanógrafo, idiomas, etc 95.558 8.672 104.230 1.537.434 Oficial administrativo e operador máquina contable 90.999 8.616 99.615 1.468.377 Auxiliar administrativo e perforista 83.610 8.528 92.138 1.356.486 Auxiliar de caixa 83.610 8.528 92.138 1.356.486 Auxiliar maior de caixa 89.807 8.600 98.407 1.450.305
Grupo IV: persoal de servicios e actividades auxiliares Xefe de sección de servicios 103.897 8.778 112.675 1.663.791 Debuxante 110.537 8.858 119.395 1.764.351 Escaparatista 90.999 8.616 99.615 1.468.377 Axudante de montaxe 83.610 8.528 92.138 1.356.486 Delineante 84.489 8.535 93.024 1.369.755 Visitador 84.489 8.535 93.024 1.369.755 Rotulista 84.489 8.535 93.024 1.369.755 Cortador 94.305 8.655 102.960 1.518.435 Axudante cortador 83.610 8.528 92.138 1.356.486 Xefe de taller 84.205 8.530 92.735 1.365.435 Persoal de oficio de 1ª 89.048 8.592 97.640 1.438.824 Persoal de oficio de 2ª 86.601 8.563 95.164 1.401.771 Persoal de oficio de 3ª 85.515 8.549 94.064 1.385.313 Capataz 87.473 8.574 96.047 1.414.983 Mozo especializado 84.755 8.538 93.293 1.373.781 Ascensorista 83.610 8.528 92.138 1.356.486 Telefonista 83.610 8.528 92.138 1.356.486 Mozo 83.610 8.528 92.138 1.356.486 Empaquetadora 83.610 8.528 92.138 1.356.486
Grupo V: persoal subalterno Conserxe 83.610 8.528 92.138 1.356.486 Cobrador 83.610 8.528 92.138 1.356.486 Vixilante, sereno, ordenanza, porteiro 83.610 8.528 92.138 1.356.486 Persoal de limpeza 389 0 0 0
ANEXO II
Táboa salarial do convenio de comercio téxtil de Lugo
Vixencia: 1-4-1999 ó 31-3-2000
base mes anual
Categoría profesional Soldo
Grat. Soldo
Retrib.
Grupo I: persoal técnico titulado Titulado grao superior 132.658 9.277 141.935 2.101.194 Titulado grao medio 112.748 9.035 121.783 1.799.640 Axudante técnico sanitario 99.471 8.872 108.343 1.598.529
base mes anual
Categoría profesional Soldo
Grat. Soldo
Retrib.
Grupo II: persoal mercantil técnico non titulado Director 145.945 9.443 155.388 2.302.491 Xefe de división 129.330 9.239 138.569 2.050.818 Xefe de persoal 126.031 9.197 135.228 2.000.829 Xefe de compras 126.031 9.197 135.228 2.000.829 Encargado xeral 126.031 9.197 135.228 2.000.829 Xefe de sucursal e súper 112.748 9.035 121.783 1.799.640 Xefe de almacén 112.748 9.035 121.783 1.799.640 Xefe de grupo 106.103 8.953 115.056 1.698.981 Xefe de sección mercantil 97.469 8.845 106.314 1.568.175 Encargado establecemento poxa 96.139 8.829 104.968 1.548.033 Intérprete 85.719 8.438 94.157 1.387.041 Xefe de vendas 126.031 9.197 135.228 2.000.829
Persoal mercantil propiamente dito: Viaxante 97.469 8.845 106.314 1.568.175 Corredor de praza 96.139 8.829 104.968 1.548.033 Dependente 92.819 8.788 101.607 1.497.741 Dependente maior 101.954 8.901 110.855 1.636.122 Axudante 85.282 8.699 93.981 1.383.618 Aprendiz (1º ano) 53.685 8.292 61.977 904.779 Aprendiz (2º ano) 60.614 8.292 68.906 1.008.714 Aprendiz (3º ano) 67.543 8.292 75.835 1.112.649
Grupo III: persoal técnico non titulado Director 145.945 9.443 155.388 2.302.491 Xefe de división 129.330 9.239 138.569 2.050.818 Xefe de administración 116.731 9.083 125.814 1.859.961 Secretario 94.157 8.802 102.959 1.517.979 Xefe de sección administrativa 108.749 8.986 117.735 1.739.067
Persoal administrativo Contable, caixeiro, taquimecanógrafo, idiomas, etc 97.469 8.845 106.314 1.568.175 Oficial administrativo e operador máquina contable 92.819 8.788 101.607 1.497.741 Auxiliar administrativo e perforista 85.282 8.699 93.981 1.383.618 Auxiliar de caixa 85.282 8.699 93.981 1.383.618 Auxiliar maior de caixa 91.603 8.772 100.375 1.479.309
Grupo IV: persoal de servicios e actividades auxiliares Xefe de sección de servicios 105.975 8.954 114.929 1.697.073 Debuxante 112.748 9.035 121.783 1.799.640 Escaparatista 92.819 8.788 101.607 1,497.741 Axudante de montaxe 85.282 8.699 93.981 1.383.618 Delineante 86.179 8.706 94.885 1.397.157 Visitador 86.179 8.706 94.885 1.397.157 Rotulista 86.179 8.706 94.885 1.397.157 Cortador 96.191 8.828 105.019 1.548.801 Axudante cortador 85.282 8.699 93.981 1.383.618 Xefe de taller 85.889 8.701 94.590 1.392.747 Persoal de oficio de 1ª 90.829 8.764 99.593 1.467.603 Persoal de oficio de 2ª 88.333 8.734 97.067 1.429.803 Persoal de oficio de 3ª 87.225 8.720 95.945 1.413.015 Capataz 89.222 8.745 97.967 1.443.270 Mozo especializado 86.450 8.709 95.159 1.401.258 Ascensorista 85.282 8.699 93.981 1.383.618 Telefonista 85.282 8.699 93.981 1.383.618 Mozo 85.282 8.699 93.981 1.383.618 Empaquetadora 85.282 8.699 93.981 1.383.618
Grupo V: persoal subalterno Conserxe 85.282 8.699 93.981 1.383.618 Cobrador 85.282 8.699 93.981 1.383.618 Vixilante, sereno, ordenanza, porteiro 85.282 8.699 93.981 1.383.618 Persoal de limpeza 397 0 0 0