Examinado o expediente incoado pola titularidade do centro privado Alca de Ames (A Coruña), no que se solicita o cambio de titularidade do devandito centro.

Resultando que mediante escritura pública notarial outorgada ante o notario do Ilustre Colexio da Coruña Domingo Enrique Gutiérrez Aller, Fausto Francisco Varela Correa e José Luis Pérez García lle ceden a súa titularidade, a tódolos efectos, a Colegio Alca, S.L.

Resultando que o expediente foi tramitado pola Delegación Provincial de Educación e Ordenación Universitaria da Coruña, que se uniron a el os documentos esixidos e que a petición foi informada pola Inspección de Educación.

Resultando que o referido centro docente ten a correspondente autorización para impartir ensinanzas.

Vistos o Real decreto 1004/1991, do 14 de xuño (BOE do 26), polo que se establecen os requisitos mínimos dos centros que imparten ensinanzas de réxime xeral non universitarias, Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG 15 de decembro) que o desenvolve.

Considerando que se cumpriron neste expediente tódolos requisitos esixidos pola normativa vixente nesta materia.

Esta consellería, por proposta da Dirección Xeral de Centros e Inspección Educativa

DISPÓN:

Autoriza-lo cambio de titularidade do centro privado Alca de Ames (A Coruña) a favor de Colegio Alca, S.L. con tódolos dereitos e obrigas contraídas polos cesionistas Fausto Varela Correa e José Luis Pérez García, sen prexuízo das responsabilidades que puidesen recaer sobre os anteriores titulares do centro por actos ou omisións realizados antes do cambio de titularidade que se autoriza.

O cambio de titularidade non afectará o réxime de funcionamento do centro.

Santiago de Compostela, 24 de maio de 1999.

Celso Currás Fernández

Conselleiro de Educación e Ordenación

Universitaria