O Consello da Xunta de Galicia acordou, na súa reunión do 7 de maio de 1999 e por proposta da Consellería de Industria e Comercio, declara-lo proxecto de parque eólico denominado Sil promovido por Uipicsa (Unión Iberoamericana de Promociones Industriales y Comerciales, S.A.), como de incidencia supramunicipal, para os efectos previstos na Lei 10/1995, do 23 de novembro, de ordenación do territorio de Galicia.
Polo tanto, en cumprimento do disposto no artigo 25.3º da devandita lei, a teor do cal os planos
ou proxectos que o Consello da Xunta de Galicia declare de incidencia supramunicipal se someterán por un prazo mínimo dun mes ó trámite de información pública mediante o correspondente anuncio no Diario Oficial de Galicia, e de audiencia ás entidades locais sobre as que incida o plan ou proxecto,
RESOLVO:
Someter a información pública o proxecto sectorial denominado parque eólico Sil.
De acordo co dito artigo 25.3º da Lei 10/1995, do 23 de novembro, de ordenación do territorio de Galicia, durante o prazo dun mes contado a partir da publicación desta resolución no Diario Oficial de Galicia, os interesados poderán examina-lo dito proxecto sectorial de parque eólico na Dirección Xeral de Industria e presenta-las alegacións que consideren pertinentes.
Santiago de Compostela, 24 de maio de 1999.
Joaquín del Moral Crespo
Director xeral de Industria