O Consello da Xerencia Municipal de Urbanismo, en sesión do día 16 de abril de 1999, acordou aprobar inicialmente o estudio de detalle da UE V-A/B do PERI IV-05 travesía de Vigo-Aragón, formulado pola Xunta de Compensación da devandita unidade de execución e redactado polo arquitecto José M. Alonso Ogando con visado do COAG con datas do 30 de novembro de 1998 e 2 de marzo de 1999 e texto refundido da memoria con visado do 6 de abril de 1999.

Procédese ó trámite de información pública polo prazo dun mes, mediante inserción de anuncios no DOG e nun dos xornais dos de maior circulación da provincia, significando que o prazo de exposición ó público entenderase aberto desde a primeira publicación ata o remate do mes contado desde o derradeiro anuncio. A documentación atópase na Oficina de Información da Xerencia Municipal de Urbanismo ó dispor do público.

O presente anuncio servirá de notificación nos termos do Art. 59 de Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu domicilio non poidan ser notificados persoalmente.

Vigo, 28 de abril de 1999.

Manuel Pérez Álvarez

Alcalde-presidente da Xerencia Municipal

de Urbanismo