O director xeral da División de Recursos Económicos, cumpridos os trámites regulamentarios en materia de contratación administrativa e en uso das atribucións que lle son delegadas polo artigo 15.2º do Decreto 49/1998, do 5 de febreiro, polo que se establece a estructura orgánica dos servicios centrais do Servicio Galego de Saúde (Diario Oficial de Galicia nº 33), acorda darlle publicidade á adxudicación do contrato de xestión de servicios públicos mediante o procedemento de concurso seguinte:
Obxecto: prestación de servicios de fisioterapia e rehabilitación funcional na provincia de Pontevedra.
Lotes:
Lote 1: fisioterapia e rehabilitación funcional na área norte (Pontevedra).
Lote 2: logopedia na área norte (Pontevedra).
Lote 3: atención temperá na área norte (Pontevedra).
Lote 4: fisioterapia e rehabilitación funcional na área sur (Vigo).
Lote 5: logopedia na área sur (Vigo).
Lote 6: atención temperá na área sur (Vigo).
Lote 7: atención temperá na área do Salnés.
Adxudicación:
Data: 22 de abril de 1999.
Adxudicatario: lote 1: Blanca Ana García Rodríguez (Fimega).
Lote 2: deserto.
Lote 3: deserto.
Lote 4: Centro de Fisioterapia y Rehabilitación Ntra. Sra. de la Esperanza, S.L.
Lote 5: Hogar y Clínica de San Rafael.
Lote 6: Hogar y Clínica de San Rafael.
Lote 7: deserto.
O que se fai público para os efectos do previsto no artigo 94.2º da Lei 13/1995, de contratos das administracións públicas e 119 do seu regulamento.
Santiago de Compostela, 3 de maio de 1999.
Antonio Fdez.-Campa García-Bernardo
Director xeral da División de
Recursos Económicos