Por acordo da Comisión de Goberno, de data 19-4-1999, aprobouse o prego de cláusulas administrativas particulares que rexerán na adxudicación das obras que se describirán, prego que se expón ó público polo prazo de oito días hábiles, contados a partir do seguinte ó da inserción deste anuncio no DOG, para os efectos de presentación de reclamacións. Simultaneamente anúnciase concurso público, se ben a licitación se aprazaría no suposto de que se formulasen reclamacións contra o referido prego, circunstancia que se faría pública mediante edicto.

a) Entidade contratante: Concello de Cambados.

b) Obxecto do contrato: execución das obras previstas no proxecto técnico de restauración e ampliación da Casa Ricoy para museo etnográfico e do viño.

c) Tramitación, procedemento e forma: tramitación: ordinaria; procedemento: aberto; forma: concurso.

d) Tipo de licitación: 79.664.537 ptas. (IVE incluído).

e) Prazo de execución: 12 meses.

f) Garantías: provisional 1.581.832 ptas. equivalente ó 2% do tipo de licitación e poderá constituírse en calquera das formas previstas no artigo 36 da LCAP.

g) Información: facilitarase na secretaría xeral do concello, en horas de oficina, xunto coa copia íntegra do prego de cláusulas.

h) Presentación de proposicións: as proposicións presentaranse no rexistro xeral do concello, das 9 ás 14 horas, durante os vinteseis días naturais seguintes ó da publicación do anuncio do concurso no Diario Oficial de Galicia, en sobres pechados, cos requisitos e documentación relacionada na cláusula 9ª do prego.

i) Apertura de plicas: o acto de apertura de plicas terá lugar na Casa do Concello de Cambados, ás 12 horas do primeiro día hábil seguinte a aquel en que remate o prazo sinalado no DOG para a presentación de proposicións. Se coincide en sábado ou en festivo o dito acto trasladarase ó primeiro día hábil seguinte. O devandito acto será público.

Modelo de proposición:

Don/Dona..., maior de idade, veciño/a de..., con domicilio en ..., con DNI número..., no seu propio nome (ou en representación de...), como acredita con ..., informado/a da convocatoria de licitación, por procedemento aberto, mediante a forma de concurso, anunciada no DOG nº... do..., toma parte nela e comprométese a realiza-las obras de restauración e ampliación da Casa Ricoy para museo etnográfico e do viño, no prezo de... ptas. (letra e nº), IVE incluído, axustándose ó proxecto técnico e ó prego de cláusulas administrativas particulares, os que acepta integramente, sen salvidade ningunha, e declara que non se atopa incurso/a en ningunha das circunstancias establecidas no artigo 20 da LCAP (lugar, data e sinatura do/a interesado/a).

(O pé) Alcalde-presidente do Concello de Cambados.

Cambados, 3 de maio de 1999.

O alcalde

Rubricado