Por orde da Consellería de Educación do 1 de setembro de 1998 (DOG do 23 de setembro), convocáronse axudas para o desenvolvemento de proxectos educativos conxuntos no marco do Programa Sócrates, Lingua, Acción E.
De conformidade co disposto no punto décimo da citada orde,
RESOLVO:
Primeiro.-Adxudicar axudas, pola contía que se indica, para a realización de intercambios e encontros escolares para desenvolver entre o 1 de marzo de 1999 e o 30 de abril de 2000, ós centros que figuran relacionados no anexo I. Neste anexo tamén figuran os centros que renunciaron á axuda concedida antes da publicación no DOG. Os centros en reserva figuran no anexo II e os centros excluídos no anexo III.
Segundo.-O libramento das axudas ós centros realizarase a través da Axencia Nacional Sócrates. A dita axencia enviará a cada un dos centros seleccionados o modelo de contrato elaborado pola Comisión Europea. Este documento deberá ser cuberto e asinado polo director do centro e remitido posteriormente a esta dirección xeral, que o fará chegar á Axencia Nacional Sócrates.
Terceiro.-Unha vez recibidos os fondos da Comisión Europea, a Axencia Nacional Sócrates iniciará a tramitación para efectua-lo libramento das cantidades correspondentes a cada un dos centros seleccionados, de acordo co establecido nos contratos asinados polos ditos centros.
Cuarto.-De acordo coa normativa vixente, os beneficiarios deste tipo de axudas quedan obrigados a:
1. Comunicar, se é o caso, a obtención de subvencións ou axudas para a mesma finalidade de calquera Administración ou ente público ou privado, nacional ou internacional.
2. Someterse ás actuacións de comprobación que, se é o caso, poida efectua-la Consellería de Educación e Ordenación Universitaria, así como a Axencia Nacional Sócrates e a Comisión Europea.
3. Xustifica-lo correcto investimento das axudas recibidas, mediante a presentación da seguinte documentación:
3.1. Memorias.
Os centros beneficiarios enviarán memoria descritiva do Proxecto Educativo Conxunto (PEC), cunha extensión máxima de 25 folios. A dita memoria reflectirá o grao de cumprimento dos obxectivos programados, o número de alumnos participantes e a avaliación das actividades levadas a cabo, incluíndo elementos de análise por parte dos alumnos. Poderá xuntarse material audiovisual. Enviarase igualmente copia do informe financeiro final e da folla de estatísticas enviada á Axencia Nacional Sócrates.
A documentación deberá remitirse á Dirección Xeral de Ordenación Educativa e de Formación Profesional (edificio San Lázaro, 107, 15771 Santiago de Compostela), especificando Programa Sócrates, Lingua, Acción E, no prazo dun mes desde a finalización da actividade.
No caso de intercambios ou encontros, deberá incluír unha certificación do director do centro especificando os nomes do profesorado que acompañou os alumnos na viaxe de estudios. O certificado servirá para expedi-lo correspondente certificado de participación.
3.2. Xustificación económica.
3.2.1. Un informe financeiro final que inclúa o total dos gastos reais que poidan optar á axuda e nos que se incorrese para a participación, así como os ingresos totais, en particular o cofinanciamento obtido. Este informe presentarase seguindo o modelo de liquidación de subvención enviado pola Axencia Nacional.
3.2.2. Os billetes orixinais de transporte (avión, tren) de tódolos participantes no intercambio e as facturas de aloxamento.
3.2.3. A folla estatística enviada pola Axencia Nacional con tódolos datos formalizados.
3.2.4. Resumo de dúas páxinas escritas a dobre espacio da memoria pedagóxica sobre as actividades desenvolvidas durante o proxecto, que conteña a lista cos nomes dos participantes no intercambio e mención do producto final dos alumnos.
A citada xustificación económica deberá ser enviada á Axencia Nacional Sócrates ( Bravo Murillo, 38, 28015 Madrid), no prazo dun mes desde a finalización da actividade.
Quinto.-A non xustificación da axuda percibida conforme o disposto nestas bases comportará o reintegro á Axencia Nacional Sócrates das cantidades non xustificadas e as esixencias dos xuros de demora, sen prexuízo das responsabilidades administrativas en que poida incorrer conforme os artigos 81 e 82 da vixente Lei xeral orzamentaria na súa nova redacción dada pola Lei 31/1990, do 27 de decembro.
Sexto.-Calquera alteración das condicións tidas en conta para a concesión das axudas e, en todo caso, a obtención concorrente de subvencións ou axudas outorgadas por outras administracións ou entes públicos ou privados, nacionais ou internacionais, poderá dar lugar á modificación da resolución da concesión.
Sétimo.-Contra a resolución de adxudicación, os centros interesados poderán interpoñer recurso de alzada ante o conselleiro de Educación e Ordenación Universitaria, no prazo dun mes contado a partir do día seguinte ó da notificación desta resolución.
Oitavo.-Esta resolución entrará en vigor o día seguinte ó da súa publicación no DOG.
Santiago de Compostela, 4 de maio de 1999.
José Luis Mira Lema
Director xeral da Consellería de Educación
e Ordenación Universitaria
ANEXO I
Proxectos seleccionados.
Centro Provincia Título do proxecto País Axuda en euros
IES Fernando Blanco A Coruña Os xoves en Europa Francia 2.190
IES de Ames A Coruña Importancia das redes viarias na aproximación cultural dos pobos Francia 3.900
EOI de Ourense Ourense Estudio do sector do ocio en Galicia e Westfalen Alemaña 3.000
IES Lamas da Quenda Lugo O camiño de Santiago como medio de comunicación entre Francia e España Francia 2.250
IES de Vilamarín Ourense A cociña de onte e hoxe no Alto Támega e Ourense Portugal 1.380
Colexio Feijóo Zorelle Ourense A actividade dramatizadora como elemento motivador na aprendizaxe dun idioma Francia 5.150
IES 1º de Marzo Pontevedra Mirando cara a Europa Francia 4.500
IES Agra de Raíces A Coruña Os xoves en Europa Francia 1.950
IES Cotarelo Valedor Pontevedra Incidencia de determinados factores socio-económicos e a súa influencia Alemaña 4.200
Centro Provincia Título do proxecto País Axuda en euros
IES Xelmírez II A Coruña Intercambio Xelmírez II- Gammel Helleup Gymnasium Dinamarca 5.400
IES San Mamede Ourense 2000 anos por correo Francia 3.600
IES A Pinguela Lugo Galicia-Bretaña: afinidades e diferencias II Francia 3.600
IES Río Cabe Lugo Galicia-Bretaña: afinidades e diferencias II Francia 4.350
IES Daviña Rei Lugo Galicia-Bretaña: afinidades e diferencias II Francia 4.050
IES Vilar Ponte Lugo Connaissance d'une langue, decouverte d'un pays Francia 4.730
IES A Sangriña Pontevedra Herencia helenística na linguaxe científico-helenística Grecia 7.170
EFA A Fonteboa A Coruña Descubrimento da rexión e perfeccionamento lingüístico Francia 3.831
IES María Sarmiento-Viveiro Lugo Intercambio Francia Renuncia
IES A Paralaia Pontevedra Edición dun periódico escolar multilingüe Francia Renuncia
IES Salvador Moreno Pontevedra A arte románica en Borgoña e en Galicia Francia Renuncia
ANEXO II
Proxectos en lista de espera.
Centro Provincia Título do proxecto País Nº suplente
IES A Pinguela Lugo Galicia-Gran Bretaña: afinidades e diferencias Reino Unido 1
IES Pedra da Auga Pontevedra Recursos e artesanía: Le Vigan-Ponteareas Francia 2
IES O Couto Ourense Ilecoa 99 Francia 3
IES Prieto Nespereira Ourense Galicia-Cheshire: dúas culturas no arco atlántico Reino Unido 4
IES Monelos A Coruña Adjubileum Italia 5
Col. Apóstol Santiago Pontevedra Xoves de Europa Francia 6
IES Rep. Or. do Uruguai Pontevedra Europa/3 Alemaña 7
IES Rosais II Pontevedra Euroin Reino Unido 8
IES As Fontiñas A Coruña Terminoloxía económico-administrativa multilingüe Italia 9
IES Rosalía de Castro A Coruña Semellanzas e diferencias entre Bretaña e Galicia Francia 10
Col. Apóstol Santiago Pontevedra Galicia e Kent: terra de peregrinacións Reino Unido 11
EOI de Ourense Ourense Visita preparatoria Alemaña 12
IES de Vilamarín Ourense Visita preparatoria Portugal 13
IES A Pinguela Lugo Visita preparatoria Reino Unido 14
Colexio Feijóo Zorelle Ourense Visita preparatoria Francia 15
IES Cotarelo Valedor Pontevedra Visita preparatoria Reino Unido 16
IES Pontepedriña A Coruña Identidade e diversidade Alemaña Renuncia
ANEXO III
Proxectos excluídos.
exclusión
Centro Provincia Título do proxecto País Motivo da
convocatoria
convocatoria
Estudio-Escola de música A Coruña A contribución da linguaxe musical á construcción da identidade europea Suecia Non se adapta ás bases da
IES Rosalía de Castro A Coruña Encontro multicultural de formación europea Francia Non se adapta ás bases da