No punto cuarto da Orde do 28 de outubro de 1998 establecíase que as administracións educativas determinarían as vacantes provisionais e definitivas para ofertar nos concursos de traslados de provisión de prazas docentes.
Publicadas as vacantes provisionais por Orde do 3 de marzo de 1999 e vistas as alegacións efectuadas a estas, procede agora darlles publicidade ás vacantes definitivas que serán obxecto de provisión nos concursos de traslados convocados pola Orde do 6 de novembro de 1998.
Na súa virtude, esta consellería
DISPÓN:
Único.-Elevar a definitivas as vacantes provisionais publicadas pola Orde do 3 de marzo de 1999, coas modificacións que se relacionan no anexo.
Santiago de Compostela, 30 de abril de 1999.
Celso Currás Fernández
Conselleiro de Educación e Ordenación
Universitaria
ANEXO
Modificacións prazas concurso traslados
Corpo de profesores de ensino secundario.
Suprímense as seguintes prazas:
-No IES de Arzúa-A Coruña, código 15027733C, 1 praza de tecnoloxía, código 019.
-No IES Francisco Aguiar-Betanzos-A Coruña, código 15001136C, 1 praza de física e química, código 007.
-No IES de Guitiriz-Lugo, 27016200C, 1 praza de organización e proxectos de fabricación mecánica, código 112.
-No IES nº 1 de Ribadeo-Lugo, 27010933C, 1 praza de educación física, código 017.
-No IES Porta da Auga-Ribadeo-Lugo, código 27010945C, 1 praza de latín, código 003 e 1 praza de administración de empresas, código (101).
-No IES San Mamede-Maceda-Ourense, código 32016431C, 1 praza de filosofía, código 001.
-No IES nº 2 de Ourense, 32016765C, 1 praza de administración de empresas, código 101.
-No IES Ribeira do Louro-Porriño, O-Pontevedra, código 36019529C, 1 praza de administración de empresas, código 101.
-No IES de creación programada-Vigo-Pontevedra, código 36910218C, 1 praza de psicoloxía e pedagoxía, código 018.
Engádense as seguintes prazas:
-No IES nº 2 de Ourense, 32016765C, 1 praza de organización e xestión comercial, código 110.
-No IES nº 1 de Ponteareas-Pontevedra, código 36013692C, 1 praza de inglés, código 011.
-No IES A Xunqueira I-Pontevedra, código 36013761C, 1 praza de intervención sociocomunitaria, código 108.
Corpo de profesores técnicos de formación profesional:
Suprímense as seguintes prazas:
-No IES Fernando Blanco de Cee-A Coruña, 15003224C, 1 praza de procesos de xestión administrativa, código 222.
-No IES nº 1 de Ourense, 32009131C, 1 praza de equipos electrónicos, código 202.
Engádese a seguinte praza:
-No IES nº 1 de Lugo, 27006516C, 1 praza de oficina de proxectos de construcción, código 212.