a) Subministración: subministración de vestiario e calzado do persoal adscrito á Subdirección Xeral de Estradas, dependente da Dirección Xeral de Obras Públicas da Consellería de Política Territorial, Obras Públicas e Vivenda da Xunta de Galicia.
Clave: E/SC/99.72
Orzamento: dezasete millóns oitocentas trinta e tres mil pesetas (17.833.000).
Prazo de entrega: 2 meses.
A solvencia económica e financeira acreditarase por calquera dos medios previstos no artigo 16 da Lei de contratos das administracións públicas.
A solvencia técnica xustificarase mediante relación das principais subministracións, similares ós que son obxecto do presente contrato, efectuadas durante os 3 últimos anos con indicación do seu importe, datas e destino público ou privado, ás que se incorporarán os correspondentes certificados sobre estes.
Garantía provisional: 356.660 pesetas.
b) Documentos de interese para os licitadores: os pregos de cláusulas administrativas particulares, así como o prego de prescricións técnicas estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, na Dirección Xeral de Obras Públicas da Consellería de Política Territorial, Obras Públicas e Vivenda, edificios administrativos de San Caetano, Santiago de Compostela.
c) Garantías que se lles esixen ós licitadores: esixirase unha garantía provisional equivalente ó 2% do orzamento de contrata, segundo se especifica no punto 9 do cadro de características.
Esixirase unha garantía definitiva equivalente ó 4% do orzamento de contrata. Estas garantías pode
rán ser presentadas na modalidade e polas persoas ou entidades que especifica a lexislación española vixente.
d) Modelo de proposición: proposición económica formulada estrictamente conforme o modelo que se xunta ó prego de cláusulas administrativas particulares.
e) Prazo e lugar para a presentación de proposicións: as proposicións haberán de presentarse en sobre pechado no rexistro xeral da Consellería de Política Territorial, Obras Públicas e Vivenda ou envialas por correo dentro do prazo de admisión sinalado conforme o disposto no artigo 100 do Regulamento xeral de contratación do Estado.
O prazo de admisión das proposicións rematará ás doce horas do vixésimo sexto día natural, que non coincida en sábado, domingo ou festivo seguinte ó da publicación deste anuncio no Diario Oficial de Galicia.
f) Apertura das proposicións: a apertura das proposicións será realizada pola mesa de contratación na sala de xuntas da Consellería de Política Territorial, Obras Públicas e Vivenda, ás once horas do décimo día natural que non coincida en sábado, domingo ou festivo contado a partir do último día de presentación de proposicións.
g) Documentos que deben presenta-los licitadores: os que figuran no prego de cláusulas administrativas particulares.
O importe do presente anuncio será por conta do adxudicatario.
Santiago de Compostela, 24 de maio de 1999.
P.D. (Orde 13-12-1993)
José Antonio Fernández Vázquez
Secretario xeral da Consellería de
Política Territorial, Obras Públicas e Vivenda
