Por Resolución do 9 de marzo de 1999, da Dirección Xeral de Industria, autorizáronse as instalacións electromecánicas e aprobouse o proxecto de execución do parque eólico denominado Carba, sendo declarada a utilidade pública, en concreto, das instalacións do devandito parque eólico por Resolución do 7 de abril de 1999, do conselleiro de Industria e Comercio.

A dita declaración de utilidade pública, de conformidade co disposto no artigo 54 da Lei 54/1997, do sector eléctrico, leva implícita en todo caso a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación forzosa.

Na súa virtude, esta delegación provicnial, en cumprimento do disposto no devandito artigo 52 da Lei de expropiación forzosa, resolveu convoca-los titulares de bens e dereitos afectados, cos que non se chegou a un acordo, que se relacionan no anexo, para que comparezan no Concello de Vilalba, como punto de reunión, para, de conformidade co procedemento que establece o citado artigo, levar a cabo o levantamento de actas previas á ocupación.

A afección implicará a expropiación de pleno dominio da superficie afectada.

Tódolos interesados, así como as persoas que sexan titulares de calquera clase de dereitos ou intereses sobre os bens afectados, deberán acudir persoalmente ou representados pola persoa debidamente autorizada, achegando os documentos acreditativos da súa titularidade e o último recibo da contribución, podéndose acompañar dos seus peritos e un notario, se o consideran oportuno, cos gastos pola súa conta.

Así mesmo, advírteselles a tódolos interesados afectados que poderán formular alegacións por escrito nesta delegación provincial ata o momento do levantamento das actas previas, para os únicos efectos de emendar posibles erros na relación de bens e dereitos afectados.

Desta convocatoria darase traslado a cada interesado mediante a opotuna cédula de citación individual, na que se lle sinalará día e hora para o levamtamento de actas.

Esta publicación realízase igualmente para os efectos que determine o artigo 59.4º da Lei 30/1992, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación.

No expediente expropiatorio Made, Energías Renovables, S.A., asumirá a condición de beneficiaria.

Lugo, 28 de abril de 1999.

Jesús Bendaña Suárez

Delegado provincial de Lugo

Relación de predios que se van expropiar

(Pleno dominio)

Parque eólico: Carba

Termo municipal: Vilalba