Visto o expediente de cambio de dominio que a continuación se menciona, instruído para efectos de transmisión da concesión administrativa pertinente e do establecemento que a ampara; tendo en conta que o interesado obtivo a autorización de acordo co artigo 59.3º da Lei 6/1993, do 11 de maio, de pesca de Galicia (DOG nº 101, do 31 de maio) e o artigo 10 do Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG nº 228, do 21 de novembro) e que foi acreditada a transmisión de dereitos e aboados os impostos correspondentes.
Esta consellería, en virtude das atribucións conferidas, á vista do informe favorable do Servicio Técnico-Xurídico, acordou acceder ó solicitado, proclamando a nova titularidade das concesións e establecemento que se relaciona a continuación:
Nome da batea: Rucha.
Cultivo: mexillón (Mytilus galloprovincialis).
Localización: Caramiñal E, cuadrícula 17.
Data da concesión: 18-8-1971.
Data do remate da última prórroga: 28-9-2001.
Anteriores concesionarios: Serafín Galbán Caamaño (35.367.444) e Carmen Teijeiro Ramos (33.076.058).
Novo titular da concesión: Mexilloeiras Galbán Caamaño, S.L. (B-15385040).
O novo concesionario queda subrogado nos mesmos dereitos e obrigas dos anteriores concesionarios, así como obrigado ó cumprimento das disposicións legais vixentes que lle sexan aplicables e de categoría suficiente.
A Coruña, 22 de marzo de 1999.
P.D. (Orde 27-6-1990, DOG nº 134, do 10 de xullo)
María José Cancelo Baquero
Delegada territorial da Coruña