O artigo 28 da Lei 1/1998, do 7 de abril, e da Lei 6/1998, do 29 de decembro, de orzamentos xerais da Comunidade Autónoma de Galicia para 1998 e 1999, respectivamente, autoriza a concederlle avais ó Igape por un importe máximo de 25.000 millóns de pesetas.

O artigo 13.2º do Decreto 284/1994, do 15 de setembro, de regulación de avais do Instituto Galego de Promoción Económica, establece que ós avais concedidos polo Igape se lles dará publicidade no Diario Oficial de Galicia.

En virtude do exposto anteriormente,

RESOLVO:

Único.-Darlles publicidade ós avais concedidos polo Consello de Dirección do Igape nas súas reu

nións do 30 de xullo de 1998, 12 de novembro de 1998, 9 de decembro de 1998, 28 de decembro de 1998 e 5 de febreiro de 1999:

-Avais subsidiarios por importe máximo de 154 millóns de pesetas á empresa Roberto Verino Difusión, S.A.

-Aval subsidiario por importe máximo de 107.330.249 pesetas ás empresas Hermanos Rodríguez Gómez, S.A.; Islas Montajes y Talleres, S.L.; Cymel, S.L. e Grenco Ibérica, S.A.

-69 avais subsidiarios a 69 empresas de acuicultura afectadas polo sinistro do buque Mar Egeo por importe máximo total de 3.038.983.844 pesetas.

-Aval subsidiario por importe máximo de 750.400.000 ptas. á empresa José Malvar Construcciones, S.A.

-Ampliación das contías dos avais concedidos a 37 empresas compradoras de leite en garantía das suspensións de execución de liquidacións polo concepto Taxa suplementaria no sector do leite e dos productos lácteos, campaña 1993/1994, ata un importe máximo de 531.186.806 pesetas.

-Avais subsidiarios por un importe máximo conxunto de 231.000.000 pesetas á empresa Antonio Pernas, S.A.

Santiago de Compostela, 12 de abril de 1999.

Casto Varela Gesto

Director xeral adxunto do Instituto Galego

de Promoción Económica