En cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ós interesados a resolución de revogación da adxudicación da vivenda con Expte. C-2-CD/68, conta 1833, correspondiente a Matilde Picos Morales.
Visto o expediente C-2-CD/68, conta 1833 polo que se identifica a vivenda sita en Ferrol, rúa Padre Feijóo, bloque 27, portal 3, 4º Esqda.
Resultando que con data do 5-6-1975 se propón a adxudicación da dita vivenda a favor de Matilde Picos Morales, viúva de 85 anos de idade, quen efectuou a correspondente achega inicial, segundo carta de pagamento da Intervención de Facenda con data do 9-6-1975.
Resultando que a dita adxudicación non foi formalizada mediante contrato.
Resultando que, con data do 19-10-1988, se requiriu a Pedro Pérez González para que presentase o título legal xustificativo da súa situación como ocupante da citada vivenda, sen que o dito requirimento fose atendido.
Resultando que, con data do 18-11-1998, a Dirección Xeral do IGVS requiriu, no mesmo sentido do anterior, a Jesús Vicente Teijeiro contra o que con data do 18-2-1999 foi iniciado desafiuzamento por non acredita-lo título que lexitime a ocupación da vivenda.
Considerando que a dita vivenda non está sendo ocupada pola adxudicataria, nin foi solicitada subrogación ou formalización de adxudicación por persoa lexitimada para iso.
Vista a normativa aplicable ás vivendas de protección oficial, a Lei 30/1992, do 26 de novembro, de réxime xurídico das administracións públicas e do procedemento administrativo común e demais de xeral aplicación.
Acordo a revogación da adxudicación da vivenda identificada como Expte. C-2-CD/68, conta 1833 efectuada a Matilde Picos Morales polo delegado provincial da Coruña, do Ministerio da Vivenda con data do 5-6-1975.
Contra esta resolución, que non esgota a vía administrativa, poderá interpoñerse recurso ordinario conforme os artigos 107.1º e 114 a 117 da LRXAP e PAC, perante o conselleiro de Política Territorial, Obras Públicas e Vivenda, no prazo dun mes contado desde o día seguinte ó da súa recepción, expido, asino e selo esta cédula na Coruña o 29 de marzo de 1999.
Mª Teresa Morán Calero
Xefa da Área Provincial da Coruña