De conformidade coa proposta elevada pola comisión designada para xulga-lo concurso convocado por resolución desta universidade do 5 de xuño de 1998 (BOE do 29 de xuño), para a provisión da praza número 98/046, de profesor titular de universidade da área de coñecemento de bioloxía vexetal, departamento de Bioloxía Animal, Bioloxía Vexetal e Ecoloxía desta universidade, a favor de Elvira Sahuquillo Balbuena, e unha vez acreditados pola interesada os requisitos ós que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións conferidas polo artigo 42 da Lei 11/1983, do 25 de agosto, de reforma universitaria e demais disposicións que a desenvolven, resolveu nomear a Elvira Sahuquillo Balbuena, profesora titular de universidade da área de coñecemento de bioloxía vexetal do departamento de Bioloxía Animal, Bioloxía Vexetal, e Ecoloxía, desta universidade.
A Coruña, 12 de abril de 1999.
José Luis Meilán Gil
Rector da Universidade da Coruña