No uso das facultades que me confire o artigo 41.14º a) do R.D. 2568/1986, do 28 de novembro, e demais lexislación concordante, procedo a convocar proceso selectivo para cubrir mediante concurso vacantes existentes no cadro de persoal, segundo as bases aprobadas polo Pleno da Corporación con data 13 de abril de 1999 e que foron publicadas
no BOP de Ourense, número 85, de data 16 de abril de 1999.
As prazas que se convocan son as seguintes:
Persoal laboral fixo do Concello de Manzaneda.
-Nivel de titulación: diplomado en traballo social. Denominación do posto: asistente social. Número de vacantes: unha.
-Nivel de titulación: graduado escolar, formación profesional de primeiro grao ou equivalente. Denominación do posto: auxiliar administrativa. Número de vacantes: unha.
-Nivel de titulación: certificado de escolaridade, de estudios primarios ou equivalente. Denominación do posto: servicios varios (oficina). Número de vacantes: unha.
-Nivel de titulación: certificado de escolaridade, de estudios primarios ou equivalente. Denominación do posto: servicios varios (oficiais de servicios). Número de vacantes: dúas.
-Nivel de titulación: certificado de escolaridade, de estudios primarios ou equivalente. Denominación do posto: servicios varios (operario de servicios). Número de vacantes: unha.
Persoal laboral fixo residencia de anciáns.
-Nivel de titulación: ATS/DUE. Denominación do posto: ATS/DUE. Número de vacantes: unha.
-Nivel de titulación: auxiliar de clínica (formación profesional de I grao). Denominación do posto: auxiliar de clínica. Número de vacantes: cinco.
-Nivel de titulación: formación profesional de II grao ramo hostalería. Denominación do posto: cociñeiro. Número de vacantes: unha.
-Nivel de titulación: certificado de escolaridade, de estudios primarios ou equivalente. Denominación do posto: axudantes de cociña. Número de vacantes: dúas.
-Nivel de titulación: graduado escolar, formación profesional de primeiro grao ou equivalente. Denominación do posto: celador/mantedor. Número de vacantes: tres.
-Nivel de titulación: certificado de escolaridade, de estudios primarios ou equivalente. Denominación do posto: camareira/limpadora. Número de vacantes: catro.
O prazo de presentación de solicitudes será de dez días hábiles, contados do seguinte á última publicación deste anuncio no Diario Oficial de Galicia ou no Boletín Oficial del Estado.
Os sucesivos anuncios relacionados con esta convocatoria publicaranse unicamente no BOP e no taboleiro de anuncios deste concello, segundo proceda.
Manzaneda, 16 de abril de 1999.
José Domínguez Basalo
Alcalde