O conselleiro da Presidencia e Administración Pública dictou, con data 8 de abril de 1999, reso
lución que na súa parte dispositiva establece o seguinte:
Estimar parcialmente o recurso ordinario formulado por Mª Pilar Férnandez Nistal, contra a Resolución do 26 de novembro de 1998, da Dirección Xeral da Función Pública, pola que se fan públicas as correccións de erros materiais nas listas para a cobertura con carácter temporal, mediante o nomeamento de persoal interino, de postos de traballo reservados a funcionarios, reguladas no Decreto 89/1997, do 10 de abril, no sentido da súa inclusión nas listas correspondentes ó corpo de xestión de Administración da Xunta de Galicia(grupo B), escala técnica de finanzas, no lugar que lle corresponda, e desestimalo en canto á revisión da puntuación asignada.
Dado que o carácter da resolución é estimatorio do recurso da interesada, procede darlle a debida publicidade á modificación provocada pola devandita resolución, nas listas aprobadas pola Resolución do 29 de outubro de 1998, modificada pola Resolución do 26 novembro de 1998, nos termos fixados nesta, e en consecuencia:
a) Modifica-la Resolución do 26 de novembro de 1998 (DOG nº 214, do 4 de decembro) no sentido de figurar na lista correspondente a alínea B para a cobertura con carácter temporal de postos correspondentes ó corpo de xestión de Administración da Xunta de Galicia (grupo B), escala técnica de finanzas:
Mª Pilar Férnandez Nistal.
D.N.I. número 33.847.788.
-No posto número 80, para o ámbito territorial de servicios centrais.
-No posto número 67, para o ámbito territorial da Coruña.
-No posto número 52, para o ámbito territorial de Lugo.
-No posto número 54, para o ámbito territorial de Ourense.
-No posto número 58, para o ámbito territorial de Pontevedra.
En consecuencia, varíase correlativamente a orde de prelación dos solicitantes posteriores incluídos na lista correspondente.
Contra a presente resolución, que é definitiva en vía administrativa, os interesados poderán interpoñer recurso contencioso-administrativo, previsto na Lei 29/1998, do 13 de xullo, reguladora da xurisdicción contencioso-administrativa, perante o Xulgado do Contencioso-Administrativo da Coruña, segundo o previsto no seu artigo 14.2º, no prazo de dous meses contados desde o día seguinte ó da publicación da presente resolución no Diario Oficial de Galicia.
Santiago de Compostela, 12 de abril de 1999.
Joaquín López-Rúa Soler
Director xeral da Función Pública