Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Eléctrica de Moscoso, S.L.
Enderezo social: Avda. de José Antonio, 21, 36830 A Lama.
Denominación: centro de transformación e interconexión Xesteira.
Situación: Cotobade.
Descricións técnicas: centro de transformación e interconexión, de 160 kVA, relación de transformación 20 kV-380/220 V, en Xesteira, concello de Cotobade.
Cumpridos os trámites ordenados na Lei 54/1997, do 27 de novembro, e nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
Pontevedra, 11 de marzo de 1999.
Carmen Bianchi Valcarce
Delegada provincial de Pontevedra