Visto o texto do acordo relativo ó convenio colectivo para o sector do comercio de materiais de construcción e saneamento (código 2700175), da provincia de Lugo, asinado o dia 1 de febreiro de 1999, pola comisión deliberadora integrada pola Asociación Provincial de Empresarios da Construcción (APEC) e polas centrais sindicais MCA-UGT, FECOMA-CC.OO., USO, e FCM-CIG, e de conformidade co disposto no artigo 90.2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de
maio, sobre rexistro e depósito de convenios colectivos de traballo.
Esta delegación provincial
ACORDA:
Primeiro.-Ordena-la inscrición do citado acordo no rexistro de convenios desta delegación, así como o seu depósito.
Segundo.-Remiti-lo texto do mentado acordo á Dirección Xeral de Relacións Laborais da Xunta de Galicia.
Terceiro.-Dispoñe-la súa publicación no Diario Oficial de Galicia.
Lugo, 2 de marzo de 1999.
(Dto. 227/1998, do 10 de xullo)
Rafael Díaz Iglesias
Secretario provincial de Lugo
Acta
Asistentes.
Representación sindical:
Por MCA-UGT:
Adolfo Mosteirín Turia.
Luis Castro Varela.
Por FECOMA-CC.OO.:
Ángel Barreiro Pérez.
Jesús Varela Lodeiro.
Ramiro López Peruga.
Manuel Valín Ceide.
Por USO:
Mª del Carmen Arias Río.
Por FCM-CIG:
Iñaki García Gómez.
Xosé Manuel Seixas Ares
Carmen Antas Pérez.
Representatividade no sector:
Convenio de comercio de materiais da construcción e saneamento.
Por MCA-UGT: 27,3 % de representación.
Por FECOMA-CC.OO.: 45,5 % de representación.
Por USO: 18,2 % de representación.
Por FCM-CIG: 9,1 % de representación.
Representación patronal (APEC):
Hipólito Trinidad Losada.
Miguel Varela Varela.
Ricardo Castro López.
José Juan Meijide Calvo.
Manuel Sánchez Varela.
Juan Manuel González-Zaera González.
Silviano Pizarro Gómez.
Asesora:
Pilar Díaz Rodríguez.
Na cidade de Lugo, o día 1 de febreiro de 1999, reúnense os representantes das centrais sindicais e de APEC que á marxe se relacionan, como compoñentes da comisión deliberadora do convenio de comercio de materiais da construcción e saneamento, con obxecto de tratar sobre o calendario laboral para
o ano 1999; e así mesmo dar cumprimento ó establecido no artigo 20.2º do convenio provincial de comercio de materiais da construcción e saneamento.
Despois dunha ampla deliberación, adóptanse os seguintes acordos:
1. Para o ano 1999 e co fin de adapta-la xornada anual ás 1760 horas que establece o convenio xeral do sector, establécense os seguintes días de descanso:
-Catro horas correspondentes á xornada de tarde do día 24 de decembro e a xornada completa do día 31 de decembro.
-Ademais dos días anteriormente sinalados, os traballadores disporán de 6 días de descanso, de libre disposición entre empresa e traballador, e ámbalas partes terán que porse de acordo para o seu desfrute, de forma que permita mante-la atención ó público en cada establecemento.
2. O persoal que cese durante o período de prórroga do convenio, comprendido entre o 1-1-1999 ata a entrada en vigor do convenio que se pacte para o ano 1999, terá dereito a percibir como atrasos o 1,8% sobre a táboa de retribucións que figura no anexo I do convenio provincial de comercio de materiais da construcción e saneamento do ano 1998.
3. Faculta-la asesora da representación empresarial, Pilar Díaz Rodríguez, para efectos de presenta-los acordos que anteceden na delegación provincial da Consellería de Xustiza, Interior e Relacións Laborais, para o seu depósito e publicación no BOP e no DOG.
E, en proba de conformidade, asínase a presente acta no lugar e data indicados no encabezamento.
