De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona o acordo de iniciación dictado en expediente sancionador por infracción da Lei orgánica 1/1992, do 21 de febreiro, de protección da seguridade cidadá, por non ser posible a súa notificación.
A competencia para impoñer esta clase de sancións correspóndelles ós delegados provinciais da Consellería de Xustiza, Interior e Relacións Laborais segundo o Real decreto 1640/1996, do 5 de xullo, desenvolvido polo Decreto 360/1996, do 26 de setembro, de atribución ós órganos da Comunidade Autónoma de Galicia do exercicio da potestade sancionadora en materia de espectáculos públicos, en relación co artigo 29.1º.d) da Lei orgánica 1/1992.
Noméase instructora do expediente a Margarita Olmo Bosco, xefa do Servicio de Interior e secretaria a Ángeles San Martín Outeiral, posto base grupo B, que poderán ser recusadas en calquera momento da tramitación do expediente nos casos e na forma prevista no artigo 29 da Lei 30/1992, do 26 de novembro. O interesado disporá dun prazo de quince días hábiles, contados a partir do seguinte ó da publicación desta notificación, para exerce-lo dereito de audiencia e formular alegacións, presentar documentos ou informacións que coide convenientes na súa defensa e, se é o caso, propoñer proba, podendo
recoñecer voluntariamente a súa responsabilidade cos efectos previstos no artigo 8 do Real decreto 1398/1993.
No suposto de non efectuar alegacións sobre o contido da iniciación do procedemento no prazo indicado, a iniciación poderá ser considerada proposta
de resolución cos efectos previstos nos artigos 18 e 19 do Real decreto 1398/1993.
A Coruña, 9 de marzo de 1999.
P.S. (Decreto 227/1998, do 10 de xullo)
María Silva Costoya
Secretaria provincial da Coruña
ANEXO
expediente
infrinxido sancionador máxima
Número
Denunciado DNI/CIF Enderezo Establecemento Precepto
Precepto
Multa
Santiago de Compostela LO 1/1992 LO 1/1992681/1998 Fernando Fernández Gil 35.310.474 r/ San Pedro de Mezonzo, 46, baixo
Cafe Bar Tazzmanía 23 f)
28
De 50.001 ata 5.000.000 de ptas.