Dáse conta de que con data do 25 de marzo de 1999 se publica neste diario, por erro, certificado da aprobación inicial do proxecto de urbanización
do Plan Parcial A Zapateira 1, no seu lugar debe consta-lo seguinte anuncio:
A Comisión de Goberno, na sesión celebrada o día 1 de marzo de 1999, acordou aprobar inicialmente o proxecto de urbanización promovido por Javier Nogueiras Mascarenhas, en representación de Neisa, Grupo Riofisa, División Residencial, para a urbanización do ámbito de actuación do Plan Parcial A Zapateira 1, sito na Zapateira, desta localidade, redactado polo arquitecto Javier Nogueiras Mascarenhas e visado polo Goag, que queda sometido a información pública polo plazo dun mes, contados a partir do seguinte ó da aparición do presente anuncio no Diario Oficial de Galicia.
Durante o devandito prazo as persoas interesadas poderán examina-lo seu contido comparecendo nas dependencias do Servicio Municipal de Urbanismo, sitas na Avenida do Balneario, nº 10-1º, Arteixo, e presenta-las alegacións que estimen convenientes. (Expediente 07/99. Pur).
Arteixo, 31 de marzo de 1999.
Manuel Pose Miñones
Alcalde