Aprobado na sesión plenaria do día 26 de marzo de 1999 con carácter definitivo o plan xeral de ordenación municipal de Ares, logo do informe preceptivo e vinculante emitido en sentido favorable polo conselleiro de Política Territorial, Obras Públicas e Vivenda do 8 de marzo de 1999, coas correccións sinaladas no dito informe e de conformidade co disposto no artigo 48, parágrafo 2º da Lei 1/1997, do 24 de marzo, do solo de Galicia, en relación co 70.2º da Lei 7/1985, do 2 de abril, reguladora das bases do réxime local, na redacción dada pola Lei 39/1994, do 30 de decembro, procédese a facer pública a dita aprobación.
Contra o presente acordo poderá interpor recurso contencioso-administrativo no prazo de dous meses contados desde o día seguinte ó da presente notificación (artigo 46 da Lei 29/1998, do 13 de xullo, reguladora da xurisdicción contencioso-administrativa) perante o xulgado do contencioso-administrativo da Coruña ou ante o Tribunal Superior de Xustiza de Galicia, Sala do Contencioso-Administrativo (segundo a distribución competencial establecida polos artigos 8 e 10 da Lei 29/1998, do 13 de xullo, reguladora da xurisdicción contencioso-administrativa)
advertíndolle que tamén poderá utilizar calquera outro recurso que considere pertinente e exerce-las accións que procedan perante a xurisdicción competente.
Ares, 31 de marzo de 1999.
José Juan Vilasánchez Pazos
Alcade-presidente