Vistas e examinadas as solicitudes dos participantes no concurso para a provisión de postos de traballo vacantes en distintos corpos e especialidades da Administración especial da Xunta de Galicia convocado pola Orde do 12 de xaneiro de 1999 (DOG número 12, do 20 de xaneiro), esta dirección xeral

RESOLVE:

Aproba-las relacións de solicitantes admitidos e excluídos no concurso 1/1999, para a provisión de postos de traballo vacantes en distintos corpos e especialidades da Administración especial da Xunta de Galicia.

Ámbalas relacións atópanse expostas nos taboleiros de anuncios da Consellería da Presidencia e Administración Pública, nos das súas delegacións provinciais e oficinas comarcais e na Dirección Xeral da Función Pública.

Os solicitantes excluídos disporán dun prazo de dez días, contados a partir do día seguinte ó da publicación da presente resolución no DOG, para formularen, se é o caso, as alegacións pertinentes.

Os solicitantes que dentro do prazo sinalado non corrixan os defectos motivo da exclusión serán definitivamente excluídos.

Así mesmo, os solicitantes que non figuren na relación de admitidos nin na de excluídos disporán do mesmo prazo co obxecto de formularen reclamación.

Santiago de Compostela, 26 de marzo de 1999.

Joaquín López-Rúa Soler

Director xeral da Función Pública