En cumprimento do que dispón o artigo 70.2º da Lei reguladora das bases do réxime local, segundo redacción dada pola Lei 39/1994, do 30 de decembro, e do artigo 48 da Lei do solo de Galicia, faise pública a aprovación definitiva do Plan Xeral de Ordenación Municipal, que co quórum que esixe o artigo 47.3º i) da Lei de bases do réxime local e o artigo 215.3º i) da Lei 5/1997, do 22 de xullo, de Administración local de Galicia, acordou o Pleno municipal na súa sesión extraordinaria do 11 de marzo de 1999, recolléndose a continuación a parte dispositiva deste acordo:

Primeiro.-Acepta-la delegación de competencias outorgada pola Consellería de Política Territorial, Obras Públicas e Vivenda para a aprobación definitiva do Plan Xeral de Ordenación Municipal do Carballiño, de conformidade co informe preceptivo e vinculante desta con data do 19-2-1999.

Segundo.-Prestar aprobación definitiva ó Plan Xeral de Ordenación Municipal do Carballino, nos propios termos e contido do documento final asinado e redactado polo equipo dirixido polo arquitecto Cándido Ortells Carbonell.

Terceiro.-Dar publicidade deste acordo no Diario Oficial de Galicia e no BOP. Así mesmo, deberá publicarse no BOP o documento que conteña a normativa e as ordenanzas do PXOM do Carballiño.

Cuarto.-Comunicaráselle este acordo ó conselleiro de Política Territorial, Obras Públicas e Vivenda da Xunta de Galicia, o tempo que se lle dará traslado dunha copia autenticada do expediente administrativo completo e de dous exemplares do Plan Xeral de Ordenación Municipal do Carballiño aprobado definitivamente co tódolos planos e documentos que integran este, debidamente dilixenciados pola secretaría do concello.

Quinto.-Notificarlles ós elegantes este acordo, achegándolles copia cotexada do informe que emitiu o equipo redactor do plan, que serviu de base para resolver todas e cada unha das alegacións que se presentaron trala aprobación inicial e que se fan eficaces neste acto.

O que se fai público para xeral coñecemento e para que os interesados, ós que non se lles notifique persoalmente o acordo de aprobación definitiva porque non formularon alegacións durante o período de información pública que tivo lugar trala aprobación inicial, poidan interpor recurso contencioso-administrativo perante a sala desta xurisdicción con sede na Coruña no prazo de dous meses seguintes ó da data de publicación deste edicto no que se inserirá o texto íntegro das ordenanzas e da normativa do PXOM, o cal entrará en vigor desde a dita publicación no BOP e transcorra o prazo establecido no artigo 70.2º en relación co arttigo 65.2º da Lei reguladora das bases de réxime local.

O Carballiño, 23 de marzo de 1999.

Manuel Vázquez Fernández

Alcalde