Resolución do Concello de Sada pola que se anuncia a adxudicación mediante concesión administrativa, polo procedemento aberto e concurso, do servicio de xardinería no termo municipal de Sada.

De conformidade co disposto no artigo 79 da LCAP, anúnciase concurso, polo procedemento aberto, para adxudica-la xestión indirecta por concesión do servicio anteriormente mencionado, conforme o seguinte contido:

1. Obxecto do contrato: é obxecto do contrato a concesión administrativa do servicio público de xardinería do termo municipal de Sada.

2. Duración do contrato: será de dez anos contados a partir da data de notificación do acordo de adxudicacion, e poderá ser prorrogado por anualidades sucesivas.

3. Tipo de licitación: non se fixa tipo de licitación. Non se admiten variantes.

4. Pagamento: o pagamento do prezo de adxudicación farase efectivo con cargo á partida do orzamento en vigor.

5. Publicidade do prego de cláusulas administrativas particulares: estará de manifesto tódolos días hábiles na secretaría do concello.

6. Garantía provisional: será de 500.000 pesetas.

7. Exposición do prego de cláusulas administrativas particulares: durante os oito primeiros días hábiles seguintes á publicación deste anuncio no BOP, suspendéndose a licitación en caso de impugnación.

8. Garantía definitiva: o 4% do importe da adxudicación.

9. Presentación de proposicións: durante os vinteseis días naturais seguintes á publicación do anuncio de licitación no BOP.

10. Apertura de proposicións: terá lugar ás 13 horas do terceiro día hábil seguinte á conclusión do prazo para presentación de proposicións.

11. Modelo de proposición: o recollido no prego de cláusulas.

Sada, 8 de marzo de 1999.

Ramón Rodríguez Ares

Alcalde